Isaias 8:9 - Maung A Balita Biblia

⁹ Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Maung a Balita Biblia

⁹ Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Isaias 8:9 Iomraidhean Croise

1 Saray Arari 20:11

Inmebat si Ari Acab, “Ibaga yod kinen Ben-hadad a mampasirayew so peteg a sondalo kayariy bakal, aliwan diad kasakbayan na bakal.”

Probirbio 11:21

Andi-saew a nadusa iray totoon maoges, balet makapaliis iray totoon matonung.

Isaias 28:13

Lapud saya ibangat kayo na Katawan diad panamegley na tonggal litra, tonggal linya, tan tonggal liksion. Diad satan niparokul kayo diad balang ikupbang yo. Nasugat kayo, napatitan kayo, tan nadakep kayo.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 54:15

No walay ondogpad sika, ondogpa ya anggapoy abuloy ko; Natumba so siopaman ya onlaban ed sika.

Jeremias 42:11

Ag kayo la ontatakot ed ari na Babilonia. Ag yo tatakotan, ta wala ak ed sikayo; iyagel ta kayod pakayari to.

Jeremias 46:3

“Iyeeyag na saray opisyal na Egipto, ‘Iparaan yo ray samper yo, tan kurang kayon mibakal!

Jeremias 46:4

Sintaan yo ray kabayo yo tan kabayoan yo ra! Mantatalontonan kayo, tan isolung yo ray hilmit yo! Patdeman yo ray pika yo! Mankawes ki lay para bakal!’

Jeremias 51:20

Say Katawan kuanto, “Babilonia, sikay masok, say armas kod bakal. Inkana ta kan nanmemekmek ed saray bansa tan saray nanarian,

Ezekiel 38:7

Ibagam ed sikato a mamparaan tan pamparaanen to ray sondalo ton ipangulo to.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Josue 11:5

Nanmomoyung ira yan arari tan nankakasakey iran nankampo ed abay na kolus na Merom, ta bakalen day Israel.