Isaias 8:19 - Maung A Balita Biblia

¹⁹ Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Maung a Balita Biblia

¹⁹ Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.

Isaias 8:19 Iomraidhean Croise

Genesis 41:24

Saramay pitoran apa a dawa inakmun da ra may pitoran maiiyan. Imbagak ira yan kogip ko ed saray salamangkiro, balet anggapod sikaray makapangipatalus ed siak.”

2 Saray Arari 1:3

Balet ingganggan na sakey ya anghil na Katawan si Elias, say propitan taga Tisbe, ya onla ta abeten to ra may imbaki nen Ari Ahazias tan tepeten tod sikara, “Anggapo ta lay Dios na Israel, et onla kayon mangipanon ed Baalzebub a dios na Ekron?

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Arari 23:24

Pian nasumpal nen Ari Josias iray ganggan a nisulat ed libron nalmo na Pangulon Pari a si Helcias diad dalem na Timplo, pinataynan tod Jerusalem tan diad intiron Juda iray amin a manangipanon ed saray ispiritu na inaatey tan amin a managpalar, tan inekal to ray diriyos ed abung, saray talintao, tan amin a bengatlan igagalang na saray pagano.

1 Saray Awaran 10:13

Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

Saray Salmo 106:28

Insan akibabali ran angigalang ed Baal diad Peor tan angan ira na saray imbagat ed saray diriyos ya anggapoy bilay.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Isaias 26:14

Inaatey la ra natan tan ag ombangon iray anyani ra; anggan say anino ra anggapo la, tan dinusam tan pinatey mo ra. Anggapo lay makanunot ed sikara.

Isaias 29:4

Say Jerusalem ed satan et magmaliw a singa anyani a pipiliten toy mansalita diad dalem na dalin, a singa sakey ya esaes a manlalapud dabuk.

Isaias 30:2

Oonla rad Egipto ya onkerew na tulong balet ag ira kinmerew ed siak na simbawa. Labay dan iyagel ira na Egipto, kanyan nanmatalek ira ed ari na Egipto.

Isaias 45:11

Say Katawan a masanton Dios na Israel, a walad lima toy nagawad arapen, kuanto: “Anggapoy kanepegan mon manepet na nipaakar ed saray anak ko odino ibagam ed siak so nepeg kon gawaen!

Isaias 47:12

Ituloy moy panagsalamangkam tan say panagparles mo; inkakanam la ra nanlapu lad impanogaw mo. Angangko makatulong irad sika; angangko nataktakot mo ray kalaban mo.

Isaias 47:13

Mapagpaga ka anggaman ya amayamay iray simbawad sika. Pamparontal mo la natan iray astrologom ta ilaban da ka— saray totoon aaralen day kiwas da ray bitewen, saray totoon mangipapasen na ketegan da ray katawenan tan ibabaga rad sikan binulan no antoy nagawad sika.

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Jeremias 27:9

Ag yo dedengelen iray propita yo, odino siopaman a mangibabagan nayarian ton ipasakbay so nagawa ed arapen diad panamegley na saray kogip, odino diad panamegley na panawag tod saray ispiritu na saray inaatey, odino diad panamegley na salamangka. Ibabaga ran amin ya ag kayo nepeg a manlingkur ed ari na Babilonia.

Levitico 19:31

“Ag kayo miaalay simbawa ed saray totoon manangipanon ed saray ispiritu na inaatey. No gawaen yo ya, magmaliw kayon marotak onung ed ganggan. Siak so Katawan a Dios yo.

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Mikias 5:12

Deralen ko ray ikakana yon galing tan oputen kon amin iray managparles yo.

Saray Gawgawa 16:16

Aminsan ya agew, nen mamapaarap kamid pasen a panagpikasiyan, inabet kamiy sakey a biin aripen. Inaponan ya na maoges ya ispiritu, a mangiiter ed sikatoy pakayarin mamparles. Dakel so kuartan nanaalmo na saray amo to lapud panagparles to.

Deuteronomio 18:10

Ag yo ibabagat ed apoy a walad tapew na altar iray anak yo, tan ag yo aabuloyan a saray totoo yo et mamparles ira, tan ag yo aaligen so gagawaen da ray managbuyon, mananem, manangipanon ed maoges ya ispiritu,

Deuteronomio 18:11

manangikanay anting-anting, manangipanon ed ispiritu da ray inaatey, managsalamangka, tan saray managanito.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

1 Samuel 28:11

“Siopay tawagen ko?” tepet to may bii. “Si Samuel,” ebat to.

1 Samuel 28:16

Inkuanen Samuel, “Akin et tawagen mo ak, no inkaindan kay Katawan tan nagmaliw kan kalaban ko?

1 Samuel 28:7

Insan to ingganggan iray opisyal to, “Iyanapan yo ak na sakey a biin manangipanon ed saray ispiritu na inaatey, ta onla ak a mangipanon.” “Walay sakey ed Endor,” ebat da.

1 Samuel 28:8

Nansolung na nidoman kawes si Saul, pian ag nabirbir tan diad kapansironget linman kaiba to ray duaran totoo to, ta nengnengen da may bii. “Ipanonan mo ak ed saray ispiritu tan ibagam ed siak no antoy nagawa,” inkuantod samay bii. “Tawag moy ispiritun bitlaen ko.”