Isaias 8:13 - Maung A Balita Biblia

¹³ Ag mo lilingwanan a siak, say Katawan a Makapanyarin-amin, et masanto; siak so nepeg mon takotan.

Maung a Balita Biblia

¹³ Ag mo lilingwanan a siak, say Katawan a Makapanyarin-amin, et masanto; siak so nepeg mon takotan.

Isaias 8:13 Iomraidhean Croise

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Ezekiel 38:16

Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Levitico 22:32

Ag yo ipepelag ed kababaingan so masanton ngaran ko; amin a totood Israel nepeg a birbiren da ak a masanto. Siak so Katawan a mamapasanto ed sikayo;

Malakias 2:5

“Diad saman ya impisipanan ko imbagak ya itdan ko ray bilay tan kareenan, et inter kod sikara ya pian pagalangan da ak. Diad saraman a panaon pinagalangan da ak tan tinakotan da ak.

Saray Bilang 27:14

lapud sinumlang yon dua so ganggan ko diad kalawakan na Zin. Nen nanriklamon amin iray Israelita sumpad siak diad Meriba, ag yo binirbir so masanton pakayarik ed arap da.” (Say Meriba et sikatoy sobul dimad Cades diad kalawakan na Zin).

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Saray Taga Roma 4:20

Ag to nanduaruwaan so sipay Dios, no ag ingen binmiskeg so pananisia to tan inggalang toy Dios.

Deuteronomio 14:23

Insan kayo onla ed sakey a pasen a pinili na Katawan a Dios yo a pangigalangan ed sikato; et diad arap tod man akan yoy kakaplo na trigo yo, alak yo, larak na oliba yo, tan besag ya anak na baka tan karniro yo. Gawa yoy onya pian naaralan yon takotan lawas so Katawan a Dios yo.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

1 Samuel 11:7

Angalay duaran baka, pinatas to, tan impailiber tod intiron dalin na Israel tan impaibaga to, “Siopamay ag milad kinen Saul tan si Samuel a mibakal, onyay nagawad saray baka to!” Saray totood Israel tinmakot irad Katawan, kanyan akila ran amin ed bakal.