Isaias 7:8 - Maung A Balita Biblia

⁸ Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Maung a Balita Biblia

⁸ Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Isaias 7:8 Iomraidhean Croise

Genesis 14:15

Kasabi tod man, impankadwa to ray totoo to, dinogpaan dad labi iray kalaban da tan tinalo da ra. Inosilan to ran anggad Hoba a walad baybay na Damasco,

2 Samuel 8:6

Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

Esdras 4:2

Kanyan linma rad kinen Zorobabel tan saray pangulo da ray boleg tan kuanda, “Ibaan mi kayo a mangipaalagey na Timplo. Igagalang miy Dios ya igagalang yo tan mangibabagat kamid sikato nanlapu lad samay panaon ya imbaki kami nen Impirador Esar-hadon na Asiria, a manayam dia.”

Isaias 8:4

Kasakbayan a nayarian to lan ibagay ‘Ina’ tan ‘Ama,’ say ari na Asiria alaen ton isempet iray amin a kayamanan na Damasco tan amin ya asamsamsam na Samaria.”

Isaias 9:11

Sinogsogan na Katawan iray kalaban da a dogpaan da ra.

Isaias 9:9

Amin da ray totood Israel, balang sakey a manaayam ed siudad na Samaria, naamtaan da a ginawa ya na Katawan. Matangsit tan mapaatagey ira natan. Kuanda,

Jeremias 49:23

Sikato yay inkuan na Katawan nipaakar ed Damasco: “Natatakot tan mapagpaga iray taga siudad na Hamat tan Arfad lapud akadngel iray maoges a balita. Singa dayat ya ontatabun ed sikara so kapagaan, tan ag ira makapainawa.

Ezekiel 27:18

Saray taga Damasco et imbayar dad saray lakom tan saray bunga na saray tanaman mo, iray alak a nanlapud Helbon tan say abel a lana a nanlapud Sahar. Insumbat dad saray bengatlan lakom iray kagawaan a balatyang tan saray rikado.

Oseas 13:1

Nen saman, natatakot iray arum a tribu na Israel no say tribu nen Efraim lay mansalita; bibirbiren dan matalonggaring so Efraim. Balet nankasalanan iray totoo ed Israel diad impangigalang dad Baal, tan lapud saya ompatey ira.