Isaias 7:23 - Maung A Balita Biblia

²³ “No onsabi tan a panaon, saray mararakep a kaubasan a walay sanlibon sengeg na ubas to, tan mambiliy sanlibon pilak so kapag kaubasan, et natuboan na amayamay a masabit a dika.

Maung a Balita Biblia

²³ No onsabi tan a panaon, saray mararakep a kaubasan a walay sanlibon sengeg na ubas to, tan mambiliy sanlibon pilak so kapag kaubasan, et natuboan na amayamay a masabit a dika.

Isaias 7:23 Iomraidhean Croise

Genesis 3:18

Patuboen to ray dika-rika tan sabisabit, tan mangan ka ray tantanaman a balang.

Isaias 32:10

Nayarin malikeliket so panagbilay yo natan, balet diad arapen a taon ed onyan panaon manermen kayo lapud anggapoy naborbor yon bungay ubas.

Isaias 5:10

Say limaran iktarian dalin a tinanemay ubas et pangalaan labat na sakey galon ya alak. Say binin samploran sako et napananian labat na sakey sako.”

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 7:24

Saray totoo a sankaawit day pana ra et mananup irad man. On, magmaliw a kasabitan so intiron bansa.

Jeremias 4:26

Say mataban dalin nagmaliw a kabueran; aderal-deral iray siudad to, lapud ontan lan petang na olo na Katawan. (

Ezekiel 12:20

Naderal iray siudad a napno la natan na saray totoo, tan nagawan kalawakan so bansa. Insan dad satan naamtaan a siak so Katawan.”

Oseas 2:12

Deralen koy kaubasan to tan saray kakiewan ton igos, ya onung ed imbaga to iniiter ed sikato na saray kainarowan to, lapud panlilingkur tod sikara. Pagmaliwen kon kalawakan iray kaubasan to tan saray kakiewan to; deralen ira na saray ayayep ed katakelan.

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.

Mateo 21:33

“Dengel kayo nid sakey ya alimbawa,” kuanen Jesus. “Walay sakey a toon nantanem na ubas. Inalar to tan nanggaway panagpespesay ubas. Amaalagey met na atagey a panagbantayan. Impaasikaso tod saray kasamak, insan linmad sananey a bansa.

Saray Hebreo 6:8

Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.