Isaias 7:20 - Maung A Balita Biblia

²⁰ “No onsabi tan a panaon, say Katawan mangupa na sakey a kumakatlin taga nibaliw na Ilog na Eufrates—say impirador na Asiria—insan kiskisan to ray balbas yo, say kaoloan yo, tan anggan say bagoy laman yo.

Maung a Balita Biblia

²⁰ No onsabi tan a panaon, say Katawan mangupa na sakey a kumakatlin taga nibaliw na Ilog na Eufratessay impirador na Asiriainsan kiskisan to ray balbas yo, say kaoloan yo, tan anggan say bagoy laman yo.

Isaias 7:20 Iomraidhean Croise

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Isaias 10:15

Balet say Katawan kuanto, “Nayari kasin ipasirayew na wasay a matalonggaring ni nen say mangiwawasay ed sikato? Odino say ligari nen say mangililigarid sikato? Say bastun ag to lilibiten so too, no ag ingen say too so manlilibit ed bastun.”

Isaias 11:15

Say Katawan paekatan toy Dayat na Suez tan mangyakar na ampetapetang a mabiskeg a dagem a mamaekat na Ilog na Eufrates; pitoran ankekelag a kolus labat so nakeraan, kanyan nayarin manakar ya ombaliw so siopaman.

Isaias 36:1

Diad kumalabinapat a taon na panooley nen Ari Ezekias, dinogpaan nen Senakerib ya impirador na Asiria iray aliber na padir a siudad na Juda tan adakep to ra.

Isaias 8:7

siak, a Katawan, iyakar ko diay impirador na Asiria tan amin da ray sondalo to, ta dogpaan day Juda. Onsulong iran singa agos na danum a linmipwad saray pandel na Ilog na Eufrates.

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

Jeremias 2:18

Antoy nagunggonam ed iyakar mod Egipto? Say pakainom moy danum na Ilog na Nilo? Antoy nagunggonam ed iyakar mod Asiria? Say pakainom moy danum na Ilog na Eufrates?

Ezekiel 29:18

Inkuanto, “Sika a toon ompatey, si Ari Nabucodonosor na Babilonia et dinogpaan toy Tiro. Impanagto to ray sondalo to na ambebelat, kanyan ayangyangan ira tan diad impansakbat da naobakan so takeb da, balet anggapo lamlamang so agunggona na ari tan saramay sondalo to ed saraman ya impansasagput da.

Ezekiel 29:20

Iter koy Egipto a bayar kod sagput to, ta ikikimeyan ak na saray sondalo to. Siak a Katawan a Dios so nansalita.