Isaias 7:18 - Maung A Balita Biblia

¹⁸ “No onsabi tan a panaon, say Katawan ngisiwan to ray sondalon Egipsio, et onsabi ran singa saray amayamay ya apangat a manlapud sanka-arawian a sangasangay Ilog na Nilo. Ngisiwan to met iray sondalon Asiria, et onsabi ran singa saray bayaung a manlapud dalin da.

Maung a Balita Biblia

¹⁸ No onsabi tan a panaon, say Katawan ngisiwan to ray sondalon Egipsio, et onsabi ran singa saray amayamay ya apangat a manlapud sanka-arawian a sangasangay Ilog na Nilo. Nigisiwan to met iray sondalon Asiria, et onsabi ran singa saray bayaung a manlapud dalin da.

Isaias 7:18 Iomraidhean Croise

Saray Salmo 105:31

Nangganggan so Katawan et apano na apangat tan ageyet so intiron bansa.

Saray Salmo 118:12

Singa ra bayaung ya angambungal ed siak, balet naoput iran tampol a singa pinoolan a sinigit; pinapatey ko ra diad panamegley na pakayariy Katawan.

Exodo 8:21

Pasakbayan ta ka a no ag mo ra abuloyan, dusaen ta ka diad pangibakik na amayamay ya apangat ed sika, saray opisyal mo, tan diad saray totoom. Napano na apangat iray kaabungan na saray Egipsio, tan say dalin da.

Exodo 8:24

Say Katawan ginawa to so onung na imbaga to. Imbaki to ray dakerakel ya apangat diad palasio na ari tan diad kaabungan na saray opisyal to. Aderal so intiron dalin na Egipto lapud saramay apangat.

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 5:26

Say Katawan sisinyasan to a tawagen so sakey a bansan walad bandad arawi. Ngingisiwan to ra pian ondago ran manlapud saray samput na mundo. Et natan nia la ra; masigsiglat tan mapanaspas ira.

Isaias 7:17

“Say Katawan pairapen to ka, saray totoom, tan amin a kabyangay pamilya na ari. Mapalalo niy iter ton gunigon nen say antokaman a gunigon a sinmabi lad samay impansian na Israel tan Juda—iyakar dia na Katawan so ari na Asiria.

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.

Deuteronomio 1:44

Insan pinmaway a singa karakel na bayaung iray Amorreon manaayam ed saman a kapokdulan tan nilabanan da kayo. Inosilan da kayo ya anggad Horma tan tinalo da kayod kapokdulan a dalin na Edom.

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Deuteronomio 7:20

Gewgewen to ni ra ingen tan pateyen to ray makabatik tan makaamut.

Josue 24:12

Nen ondodogpa kayo ginewgew ko ra pian napabatik ko ray duaran arari na saray Amorreo. Anggapoy pibabalid saya na saray ispada tan saray pana yo.