Isaias 7:13 - Maung A Balita Biblia

¹³ Inmebat si Isaias, “Dengel ka natan, sika a kabyangay boleg nen David. Makapoy ed sika ya ekalan moy anos so too—ekalan moy anos so pati Dios?

Maung a Balita Biblia

¹³ Inmebat si Isaias, Dengel ka natan, sika a kabyangay boleg nen David. Makapoy ed sika ya ekalan moy anos so tooekalan moy anos so pati Dios?

Isaias 7:13 Iomraidhean Croise

Genesis 30:15

Inmebat si Lea, “Ag ka ni napnek ed impangalam na asawak? Natan labay mo nin alaen iray mandragora na anak ko.” Inkuanen Raquel, “No iter mod siak iray mandragora nen anak mo, sikam lay miakdul ed kinen Jacob diad sayan labi.”

2 Saray Awaran 21:7

balet ag labay na Katawan a mansamput so panoley da ray kabyangay boleg nen David, lapud akisipanan ed kinen David. Insipan to a saray kabyangay boleg nen David so manoley ya anggad angga.

Saray Salmo 45:5

Matdem iray tarem na panam; tuturoken day kapusoan na saray kalaban mo, saray bansa ondadakmomo rad saliyan mo.

Isaias 1:14

Kabosul ko ray Balon Bulan a Pista yo tan saray masanton agew yo. Ag ko la ra naanosan a sakbaten.

Isaias 1:24

Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Isaias 22:22

Iter kod sikatoy nagnap a pakaoley na ari a kabyangan na boleg nen David. Niiter ed sikatoy tombuk na opisina, no antoy lokasan to anggapoy mangikaput, tan no antoy inkaput to, anggapoy mangilokas.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 43:24

Ag mo ak insaliwan na insinso odino pinenek ak na taba na saray tabay ayayep mo. Say agawa, ingen, et siak so impansakbat mo lapud saray kasalanan mo; pinakesaw mo ak lapud saray kaogsan a ginagawam.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Isaias 7:12

Inmebat si Acaz, “Ag ak onkerew na tanda. Ag ko labay a suboken so Katawan.”

Isaias 7:2

Nen akabatan na ari na Juda a saray sondalo na Siria et akasabi la rad dalin na Israel, mapalaloy inkataktakot to tan saray amin a totoo to. Manggiwgiw ira tan singa ra kakiewan ya ipapalig na mabiskeg a dagem.

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 6:11

Napno ak na sanuk mo, Katawan, tan naooputan ak lay anos a mamokpok ed sanuk mo.” Insan inkuan na Katawan ed siak, “Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Ezekiel 16:20

“Insan mo ra inaalay anak mon lalaki tan bibii ya inaanak mo rad siak, insan mo ra imbabagat ed saray talintaoy diriyos. Ag ka ta ni apera ed pagmamaliw mon aliwan matoor ed siak,

Ezekiel 16:47

Apenek ka la ed pangaalig mod kabibilay da tan diad saray makapaingungot a gagawaen da? Andi, agano ni maoges ka nen sikara ed amin a gagawaen mo.

Ezekiel 34:18

Saray arum ed sikayo et ag ni apenek ed saray sankaabigan a dika; ginagatinan yo ingen iray ag yo kakanen! Iinomen yo ray malinew a danum tan kikiloten yo ray ag yo iinomen!

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Amos 3:13

Dengel ka natan, tan pasakbayan mo ray kabyangay boleg nen Jacob,” kuay Katawan a Dios a Makapanyarin-amin.

Malakias 2:17

Pinasawa yoy Katawan lapud panagsalita yo. Balet tetepeten yo, “Panoy impamasawa mid sikato?” Pinasawa yo diad impangikuanyo, “Ipapasen na Katawan a Makapanyarin-amin a maung iray manggagaway kaogsan; diad tuay tua labalabay to ra.” Odino diad panamegley na panetepet yo, “Kawalaay Dios a nepeg a matonung?”

Saray Bilang 16:13

Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Saray Bilang 16:9

Leleglemewen yo so impangibiig ed sikayo na Dios na Israel ed saray arum ya Israelita, pian makaasingger kayod sikato, nagawaan yoy kimey yo ed Tuldan Ayamay Katawan, tan makapanlingkur kayo ed saray katoowan?

Lucas 1:69

Angibakid sikatayo na makapanyarin Manangilaban, a kabyangan boleg nen David ya aripen to.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Hebreo 3:10

Kanyan akapasnuk ak ed saraman a totoo tan inkuanko, ‘Lawas ya aliwa ran matoor tan ag da labay ya onuren iray ganggan ko.’