Isaias 7:12 - Maung A Balita Biblia

¹² Inmebat si Acaz, “Ag ak onkerew na tanda. Ag ko labay a suboken so Katawan.”

Maung a Balita Biblia

¹² Inmebat si Acaz, Ag ak onkerew na tanda. Ag ko labay a suboken so Katawan.

Isaias 7:12 Iomraidhean Croise

2 Saray Arari 16:15

Insan ingganggan tod kinen Urias, “Diad tapew na sayan baleg ya altar ko isaklang yo ray bagat a popoolan no kabwasan, balet no labi saray bagat a trigo, saray bagat a popoolan, tan saray bagat a trigo a sikaray bagat na ari tan saray totoo, tan say alak a bagat met na saray totoo. Ibung mod saman ya altar so dala na amin ya ayayep a nibagat. Balet ag mo ikakana may gansan altar, ta ikanak no walay labay kon amtaen.”

2 Saray Awaran 28:22

Nen mapalalo lay segsegang nen Acaz, inaruman to niy ginawa ton kasalanan ed Katawan.

Isaias 7:11

“Kerew mod Katawan a Dios mo ya itdan to kay sakey a tanda. Nayarin manlapud pasen a panaayaman da ray inaatey itan a tanda odino manlapud tagey ed tawen.”

Isaias 7:13

Inmebat si Isaias, “Dengel ka natan, sika a kabyangay boleg nen David. Makapoy ed sika ya ekalan moy anos so too—ekalan moy anos so pati Dios?

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Malakias 3:15

Onung na nanenengneng tayo, saray mapaatagey a totoo so maliket. Ag labat onaaligwas iray totoon maoges, no ag ingen panusubok dad anos na Dios iray maoges a gagawaen da tan napapaliisan da.’”

Saray Gawgawa 5:9

Inkuanen Pedro, “Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!”

1 CORINTO 10:9

Ag tayo nepeg a subokey Katawan, a singa ginagaway arum ed sikara, kanyan pinapatey ira na saray oleg.

Deuteronomio 6:16

“Ag yo susuboken so Katawan a Dios yo a singa ginawa yod sikato diad Masa.