Isaias 66:23 - Maung A Balita Biblia

²³ Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Maung a Balita Biblia

²³ Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem, kuay Katawan.

Isaias 66:23 Iomraidhean Croise

2 Saray Arari 4:23

“Akin et natay iyakar mod sikato?” tepet na samay asawa to. “Aliwan Agew na Panagpainawa natan tan aliwa met a Pista na Balon Bulan.” “Andi bali,” ebat to.

Saray Salmo 22:28

Ari so Katawan, tan ooleyan to ray bansa.

Saray Salmo 65:2

ta eebatan mo ray pikakasi. Ondagod sikay amin a katoowan,

Saray Salmo 65:3

lapud saray kasalanan da. Anggaman ya aaripenen kami na saray kasalanan mi, papaandien mo ra.

Saray Salmo 86:9

Amin da ray bansan pinapalsam ondago ra tan ondakmomo rad sika. Idayew day inkatalonggaring mo.

Isaias 19:21

Ipaamta na Katawan so sikaton dili ed saray Egipsio; birbiren dad satan tan igalang da, tan isaklangan da na saray bagat. Masimsimoon irad satan a mansipan tan sumpalen da ray sipan da.

Isaias 19:23

No onsabiy tan a panaon, nagawa so maawang a dalan a manlapud Egipto ya anggad Asiria. Makaonlad satan ed Asiria iray Egipsio tan makaonlad Egipto iray taga Asiria. Mankasakey ira yan duan bansa a mangigalang ed Katawan.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Ezekiel 45:17

Kanepegan na prinsipi so mangiter na saray ayayep ya isaklang a bagat a popoolan, saray trigon ibagat, tan saray alak ya ibagat a para intiron bansa na Israel no Pista na Balon Bulan, no Agew na Panagpainawa, tan no arum iran pista. Sikatoy nepeg a mangiter na saray bagat a para kasalanan, saray bagat a trigo, saray bagat a popoolan, tan saray bagat a para kareenan, a mangekal na saray kasalanan da ray totood Israel.”

Ezekiel 46:1

Say Katawan a Dios kuanto, “Samay nibokig a dalan na puirtan mamaarap ed patiod dalem et nepeg ya akakaput legan na anem agew a panagkimey, balet nepeg ya ilokas no Agew na Panagpainawa tan no Pistay Balon Bulan.

Ezekiel 46:6

Diad Pista na Balon Bulan sikatoy mangibagat na sakey a kilaw na bakan kalakyan, anemiran kordiro, tan sakey a karniron kalakyan, ya amin da et anggapon balut so dotak na laman da.

Zacarias 14:14

Saray totoo ed Juda et mibakal ira a mangyagel ed Jerusalem. Samsamen da ray kayamanan na amin a bansa—saray balituk, saray pilak, tan mapalaloy karakel a kawes.

Zacarias 14:16

Insan amin da ray akapaliis ed patey a taga rad saray bansa a dinmodogpa ed Jerusalem, et onla rad man a tinaon a mangigalang ed Katawan a Makapanyarin-amin ya ari tan silibraan day Pista na Abung-abung.

Zacarias 14:18

No saray Egipsio et ag da silibraan so Pista na Abung-abung, nadalan met iray salot ya ipadalan na Katawan ed balang bansa ya ag onlad Jerusalem.

Zacarias 14:19

Sikato ya so dusan niiter ed Egipto tan diad amin a bansa ya ag da silibraan so Pista na Abung-abung.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Juan 4:23

Balet onsasabi lay panaon, tan ginmapo la ingen, a saray tuan manangigalang et galangen day Ama ed ispiritu tan diad katwaan. Ta sikara yay aanapey Ama a mangigalang ed sikato.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”