Isaias 66:16 - Maung A Balita Biblia

¹⁶ Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Maung a Balita Biblia

¹⁶ Diad panamegley na apoy tan ispada dusaen to ray amin a totood mundo a narumog ton walay kasalananamayamay ed sikaray napatey.

Isaias 66:16 Iomraidhean Croise

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Isaias 3:13

Akaparaan lay Katawan a mangibaga na liknaan to; sipaparaan lan manintinsia ed saray totoo to.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Isaias 31:8

Naderal ed bakal so Asiria, balet aliwan diad panamegley na pakayariy too. Ibatikan na saray taga Asiria so bakalan tan naaripen iray tobun-balo ra.

Isaias 34:2

Mamapasnuk so Katawan ed amin da ray bansa tan amin a sondalo ra. Sinintinsiaan to la ran napatey.

Isaias 65:12

Makapataktakot ya ipapatey so pansumpalan yo, lapud ag kayo inmebat nen tinawag ta kayo odino dinmengel nen nansalita ak ed sikayo. Nilabay yoy onsumpad siak tan say panggaway kaogsan.

Jeremias 25:31

say tanul na bosis to makmakbaw ed anggan iner a sokung na mundo. Say Katawan akusaen to ray bansa. Salaysayen ton amin iray katoowan, tan papatey to ray totoon maoges. Say Katawan so nansalita.’”

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Jeremias 46:15

Akin et atumba si Apis a makapanyarin dios yo? Lapud kinabil na Katawan!’

Ezekiel 28:18

Lapud saraman a maoges a ginagawam diad impansasaliw tan impanlalakom, nagmaliw a marotak iray pasen a panangingalangan. Kanyan pinoolan koy siudad tan tinemek kod apoy. Natan, amin da ray onnengneng ed sika, nanengneng da kan kadapudapul.

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel.” Say Katawan a Dios so nansalita.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Nahum 3:15

Anggan antoy gawaen mo, napoolan ka nin siansia ya anggad ipatey mo odino napatey ka ed bakal. Naandipat kan singa saray tanaman ya inoput na saray dorun. Dinmakerakel kan singa saray dorun!

Nahum 3:3

Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton— nataktakbaan ira na saray totoo.

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.