Isaias 66:15 - Maung A Balita Biblia

¹⁵ Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Maung a Balita Biblia

¹⁵ Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Isaias 66:15 Iomraidhean Croise

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Saray Salmo 18:9

Inlokyab toy tawen insan inmakseb; walay makapal a lorem ed silong na saray dapan to.

Saray Salmo 21:9

No onpatnag so Katawan, singa manliub ya apoy a mangoput ed sikara. Lapud pasnuk to akmunen to ra, tan oputen ira na apoy.

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Saray Salmo 68:17

Say Katawan a kaiba to ray nilibon makapanyarin karwahi to et oonlad masanton pasen manlapud Sinai.

Saray Salmo 97:3

Walay apoy ed arap to tan popoolan to ray kabosul to a walad kaliber-liber to.

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Isaias 31:9

Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal.” Say Katawan so nansalita—say Katawan a nagagalang ed Jerusalem tan diman mandarlang so apoy to a pampopool ed saray bagat.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 5:28

Matdem iray pana ra, tan akaparaan a mamana iray pana ra. Anawet a singa bato iray kokoy kabayo ra, tan singa alimbusabos so katetelek na saray bokel na karwahi ra.

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Jeremias 4:3

Say Katawan kuantod saray totood Juda tan Jerusalem, “Baka yo ray ag ni abakan kaalogan yo; ag yo isisibwag ed kasabitan iray bini yo.

Jeremias 46:15

Akin et atumba si Apis a makapanyarin dios yo? Lapud kinabil na Katawan!’

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel.” Say Katawan a Dios so nansalita.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Daniel 11:40

“No ngalngali la mansamput so panoley na ari na Siria, ondogpad sikato so ari na Egipto, et say ari na Siria iyoput toy pakayari ton onlaban ya ipakana to ray karwahi, saray kabayo, tan amayamay a bapor. Singa danum a delap ya onagos so iloob tod saray amayamay a bansa.

Daniel 7:10

tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Oseas 8:7

No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Habacuc 3:8

Saray ilog so amapasnuk ed sika, Katawan? Say dayat so amapetang na olom? Linmogan kad tapew na kaloreman; karwahim so lorem ya ipapalir na bagyo, nen inyakar moy pananalo ed saray totoom.

Zacarias 6:1

Wala niy sananey a nipasingayew ed siak. Akanengneng ak natan na apatiran karwahi ya ompapaway ed nanleetan na duaran gansan palandey.

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Deuteronomio 28:20

“No manggawa kayoy kaogsan tan ipolisay yoy Katawan ipadalan tod sikayo so deral, gewgew, tan gunigon ed amin a gawaen yo, ya anggad sigput tan masiglat kayon naoput.

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.