Isaias 66:14 - Maung A Balita Biblia

¹⁴ Manggayaga kayo naani no nanengneng yo yan nagawa; pabiskegen to kayo tan paabigen toy laman yo. Naamtaan yod satan a siak, say Katawan, tutulongan ko ray mangoonur ed siak, tan idapok so pasnuk kod saray kalaban ko.”

Maung a Balita Biblia

¹⁴ Manggayaga kayo naani no nanengneng yo yan nagawa; pabiskegen to kayo tan paabigen toy laman yo. Naamtaan yod satan a siak, say Katawan, tutulongan ko ray mangoonur ed siak, tan idapok so pasnuk kod saray kalaban ko.

Isaias 66:14 Iomraidhean Croise

Esdras 8:18

Lapud panangaro na Dios imbaki rad sikami si Serebias a marunong a laki tan sakey a Levitan kabyangay boleg nen Mahli; akilad sikatoy labinwalo ed saray lalakin anak tan agagi to.

Esdras 8:22

Ambaing ak lan onkerew ed ari na saray sondalon mangyagel ed sikamid saray kalaban legan min mambiahi, lapud imbagak ed sikaton bindisionan na Dios mi so siopaman a manmatalek ed sikato tan dusaen to so siopaman ya onarawid sikato.

Esdras 8:31

Tinaynan miy Ilog na Ahava nen kumalabinduan agew na ononan bulan, insan amaarap kamid Jerusalem. Kaiba mi so Dios mi tan inyagel to kamid idogpa tan panabat na saray kalaban legan min nambiahi.

Saray Salmo 107:42

Saray matonung nanenengneng da ya et magayaga ra, balet ag makaskasel ya amin iray totoon maoges.

Probirbio 17:22

Say gayaga pansiasiansiaen toy abig na laman mo. Say ermen mankalkalnan mansumpal ed patey.

Probirbio 3:8

No onyay gawaen mo, tambalen to ray sugat mo tan paninawaen to kad liliknaen mo.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Isaias 26:20

Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Isaias 30:27

Nanengneng ed arawi so pakayari tan kagalangan na Katawan. Ipapanengneng na apoy tan asewek so pasnuk to. Mansasalita et ondadalang a singa apoy iray salita to.

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

Isaias 34:2

Mamapasnuk so Katawan ed amin da ray bansa tan amin a sondalo ra. Sinintinsiaan to la ran napatey.

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Isaias 41:20

Nanengneng ya na saray totoo tan naamtaan da a siak, say Katawan so nanggawad saya. Natalusan dad satan a say masanton Dios na Israel so angyabuloy a nagawa ra ya.”

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Isaias 59:18

Dusaen to ray kalaban to onung ed saray ginawa ra, pati saray manaayam ed saray arawin dalin.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

Juan 16:22

Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!