Isaias 66:10 - Maung A Balita Biblia

¹⁰ Miliket kayod Jerusalem; manggayaga kayo para sikato, amin yon mangaaro ed sayan siudad. Miliket kayo natan ed sikato, amin yo a nanermen lapud sikato!

Maung a Balita Biblia

¹⁰ Miliket kayod Jerusalem; manggayaga kayo para sikato, amin yon mangaaro ed saya siudad. Miliket kayo natan ed sikato, amin yo a nanermen lapud sikato!

Isaias 66:10 Iomraidhean Croise

Saray Salmo 122:6

Pikasi yoy kareenan na Jerusalem: “Onaligwas komun iray mangaarod sika!

Saray Salmo 137:6

Ag ak lan balut komun makakanta, no ag ta ka nanununotan, no ag ta ka nanunotan a sankabalgan a liket ko!

Saray Salmo 26:8

Katawan, inarok so abung a panaayaman mo, say pasen a kawalaay kagalangan mo.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Isaias 9:3

Initdan mo ray baleg a gayaga, Katawan; impagmaliw mo ran maliket. Magayaga ra lapud saray ginagawam; singa saray totoon maliket no manaani ra, odino singa ra saray manaapag na asamsam dan kayamanan.

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”