Isaias 66:1 - Maung A Balita Biblia

¹ Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Maung a Balita Biblia

¹ Say Katawan kuanto, Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Isaias 66:1 Iomraidhean Croise

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

1 Saray Awaran 28:2

Nanalagey ed arap da si Ari David tan nansalita ed sikara. Inkuanto, “Dengel yo ak, sikayon agagik tan totook. Nampilalekan koy mangipaalagey na mansiansian panayaman na Kaban na Sipanan, say panangitapeway sali na Katawan tayon Dios. Imparaan ko ray nakaukolan ed pangipaalagey na sakey a timplo a pamagalang ed Dios,

2 Saray Awaran 2:5

Baleg a timplo so ipapaalagey ko, lapud matalonggaring so Dios nen saray arum a diriyos.

2 Saray Awaran 6:18

“Balet talaga kasin makapiayam kad saray totoo diad tapew na dalin, O Dios? Ag ka nakarga na anggan say intiron tawen, kanyan panon kan nakarga na sayan Timplon impaalagey ko?

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Salmo 132:7

Inkuanmi, “Onla itayod abung na Katawan; mangigalang itayod arapay trono to!”

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 60:13

“Saray kiew a saleng, sipris, juniper, Saray sankaabigan a kiew ed katakelan na Libano, Et niakar ira a pamaalagey lamet ed sika, O Jerusalem, Pamarakep ira ed Timplok, Pian magmaliw a galgalangen so siudad ko.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Mateo 12:6

Kuankod sikayo a wala diay lalon makapanyari nen say Timplo.

Mateo 24:2

Inkuantod sikara, “Nanenengneng yo ra tan a paalagey? Ibagak ed sikayo: anggapoy anggan sakey a baton natilak ed pasen to, ta nageba ran amin.”

Saray Gawgawa 17:24

Say Dios ya amalsay mundo tan amin a logan to, sikatoy Katawan na tawen tan dalin, kanyan ag manaayam ed saray Timplon ginaway too.