Isaias 65:4 - Maung A Balita Biblia

⁴ Diad labi oonla rad saray ongib tan diad saray lobuk, ta mangipanon irad saray ispiritu na inaatey. Mamangan iray karniy baboy tan oniinom iray sabaw na karnin nisaklang a bagat na saray pagano.

Maung a Balita Biblia

⁴ Diad labi oonla rad saray ongib tan diad saray lobuk, ta mangipanon irad saray ispiritu na inaatey. Mamangan iray karniy baboy tan oniinom iray sabaw na karnin nisaklang a bagat na saray pagano.

Isaias 65:4 Iomraidhean Croise

Exodo 23:19

“Iyakar yo ed abung na Katawan a Dios yo so sankaabigan ya onaan a trigon naani yo. “Ag yo ilulutod gatas na ina to so kordiro odino kilaw na kanding.

Exodo 34:26

“Kapag taon iyakar yod abung na Katawan a Dios yo so ononan trigon naani yo. “Ag yo ilulutod gatas na ina to so kordiro odino kilaw na kanding.”

Isaias 66:17

Say Katawan kuanto, “Asingger lay pansamput na bilay da ray totoon lilinisan day sikaran dili pian makapangigalang iran singa saray pagano, manlilibot iran onlad saray masanton tanamanan, tan mangakan iray karniy baboy tan karniy otut tan arum ni ran makapaingungot a kakanen.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Ezekiel 4:14

Balet inmebat ak, “Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.”

Levitico 11:7

Ag kayo mamangakan na baboy ta ipasen yon marotak ya ayep; pisag iray koko to, balet ag mamparintek.

Zacarias 9:7

Ag la mangan na karnin kadadala, odino say kakanen a sebel onung ed ganggan. Amin da ray makapaliis ed patey et magmaliw iran kabyangan na totook tan singa ra sakey a boleg ed tribu na Juda. Magmaliw a kabyangan na saray totook iray taga Ekron a singa impagmaliw met na saray Jebuseo.

Saray Bilang 19:11

Siopamay maniwit na bangkay et pitoy agew a marotak onung ed ganggan.

Mateo 8:28

Nen sinmabiy Jesus ed lugar da ray Gadarino, diad nibaliw na dayat, inabet na duaran totoo a nanlapud saray inongib a lobuk. Inaponay dimonyo ra yan dua tan masebesebeg ira, kanyan anggapoy ondaralan ed saman a pasen.

Lucas 8:27

Kasakbit nen Jesus, inabet na sakey a lakin taga diman. Inaponan na saray dimonyo yan laki, tan abayag lan ag mankakawes. Ag manaayam ed abung; diad saray inongib a lobuk so panaayaman to.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

Deuteronomio 14:3

“Ag yo kakanen iray bengatla a say Dios impasen to ran marotak.

Deuteronomio 14:8

Ag kayo mangakan na baboy. Marotak ya ayep; pisag iray koko to, balet ag mamparintek. Ag kayo mamangakay dinan man ed sarayan ayayep o didiwiten so laman ton inatey.

Deuteronomio 18:11

manangikanay anting-anting, manangipanon ed ispiritu da ray inaatey, managsalamangka, tan saray managanito.