Isaias 65:1 - Maung A Balita Biblia

¹ Say Katawan kuanto, “Sipaparaan ak ya ondengel ed saray pikakasi da ray totook, balet ag ira nampikasi. Sipaparaan ak a naalmo ra, balet ag da anggan sinaliy nananap. Ag nampikasid siak so bansa, anggaman ya akaparaan ak ya onebat na ‘Wadya ak ya ontulong ed sikayo.’

Maung a Balita Biblia

¹ Say Katawan kuanto, Sipaparaan ak ya ondengel ed saray pikakasi da ray totook, balet ag ira nampikasi. Sipaparaan ak a naalmo ra, balet ag da anggan sinaliy nananap. Ag nampikasid siak so bansa, anggaman ya akaparaan ak ya onebat na Wadya ak ya ontulong ed sikayo.

Isaias 65:1 Iomraidhean Croise

2 Samuel 1:7

Linmingaw tan anengneng to ak, insan to ak tinawag. Inmebat ak, ‘Wadya ak,’

Saray Salmo 22:27

Amin da ray bansa et nanunotan day Katawan. Manlapud amin a sokung na mundo onlingaw irad sikato; igalang na amin a katoowan.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Isaias 41:27

Siak, say Katawan, so inmonan angibalitad Sion; Angibaki ak na angibalitad Jerusalem a kuanto, ‘Onsasabi ray totoom! Onsesempet la ra!’

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Isaias 55:5

Tawagen yo natan iray arum a bansa; ag da kayo amta nen saman, balet natan mambabtik iran ondago a mikasakey ed sikayo! Siak, say Katawan a Dios yo, say masanton Dios na Israel, so makaoley ed pakasumpal ed saya; itdan ta kayo na kagalangan tan dayew.”

Isaias 63:19

Ipapasen mon singa ag mo kami inoleyan a balut, singa ag kamin balut totoom.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Lucas 13:12

Nen anengneng nen Jesus, tinawag to tan inkuanto, “Inmabig ka lad liliknaen mo!”

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Saray Taga Roma 10:20

Lalon makpel si Isaias ta inkuanto, “Arumog da ak iray ag manaanap ed siak. Pinmanengneng ak ed saray ag manetepet no iner so kawalaan ko.”

Saray Taga Roma 9:30

Antoy ibaga tayo sirin ey? Saya: saray Hintil, anta ag da aanapey pakapaandi na kasalanan dad arap na Dios, apaandian iray kasalanan diad panamegley na pananisia.

1 Pedro 2:10

Nen saman, aliwa kayon totooy Dios, balet natan totoo to ki la. Ag yo ni naawat so panangasi na Dios nen saman, balet natan naawat yo la.