Isaias 64:8 - Maung A Balita Biblia

⁸ Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Maung a Balita Biblia

⁸ Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Isaias 64:8 Iomraidhean Croise

Say Libro nen Job 10:3

Manepeg kasin maruksa ka? Manepeg kasin balawen moy dilin pinalsam? Insan panliketan mo ray plano na saray maoges a totoo?

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Saray Salmo 119:73

Pinalsa mo ak tan aasikasoen mo ak; itdan mo ak pay pakatalus pian naaralan ko ray ganggan mo.

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

Saray Salmo 74:1

O Dios, akin et onyay impangikaindan mod sikami? Ag manganggay pasnuk mod saray dilin totoom?

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Exodo 32:12

Akin et abuloyan mon saray Egipsio et nayarian dan ibaga ya impaway mod Egipto iray totoom, ta getmam a pateyen ira ed kapalandeyan tan deralen iran sigput? Ag ka la kari mamapasnuk; mangoman ka lay kanunotan tan ag mo la komun ipapadalan so deral ed saray totoom.

Exodo 4:22

Diad satan ibagam ed ari: Onya so kuan na Katawan ed sika, ‘Si Israel so pangulowan ya anak ko.

Isaias 19:25

Bindisionan ira na Katawan a Makapanyarin-amin a kuanto, “Bindisionan ta ka Egipto, sika a took; Asiria, sika a pinalsak; tan Israel, sika a toon pinilik.”

Isaias 29:16

Babaligtaren day amin a bengatla. Siopay manona, say dumadamili o say pitek? Say ginawa nayarian to kasin ibaga ed nanggawad sikato, “Ag mo ak ginawa?” Odino nayarian to kasin ibagad sikato, “Ag mo amtay gagawaen mo”?

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Isaias 43:7

Sikaray dilin totook, tan pinalsak ira a mangiter ed siak na kagalangan.”

Isaias 44:21

Say Katawan kuanto, “Tandaan mo ya, Israel; tandaan mo a sikay aripen ko. Pinalsa ta ka a magmaliw ya aripen ko, tan ag ta kan balut lingwanan.

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 45:11

Say Katawan a masanton Dios na Israel, a walad lima toy nagawad arapen, kuanto: “Anggapoy kanepegan mon manepet na nipaakar ed saray anak ko odino ibagam ed siak so nepeg kon gawaen!

Isaias 45:9

Makasopyat kasiy banga ed nanggawad sikato, say banga ya iyaliling to ray arum? Nayari kasin tepeten na banga no antoy gagawaen na dumadamilid sikato? Nayari kasin manriklamoy banga ya aliwan marunong so nanggawad sikato?

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 63:16

Sika so ama mi. Ag kami bibirbiren na saray lalaki min di Abraham tan Jacob, balet sika, Katawan, so ama mi; sika lawas so mangyaagel ed sikami.

Isaias 63:8

Say Katawan kuanto, “Sikaray totook; ag da ak palikdoen.” Kanyan inlaban to rad

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Malakias 2:10

Ag ta saksakey so ama tayo? Ag ta saksakey a Dios so amalsad sikatayon amin? Akin sirin et ag tayo susumpalen so sipan tayod sakey tan sakey, tan akin et babalawen tayoy impisipanan na Dios ed saray lalaki tayo?

Juan 8:41

Gagawaen yo ray ginawa nen ama yo.” Inmebat irad sikato, “Aliwa kamin anak ed paway. Say Dios labat so Ama mi.”

TAGA GALACIA 3:26

Diad panamegley na pananisia yod Cristo Jesus, anak kayon amin na Dios.

TAGA GALACIA 3:29

No kayaryan kayo nen Cristo, kabyangan ki sirin na saray apo nen Abraham, tan tumatawir kayoy insipay Dios.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

Deuteronomio 32:6

Onya so labay yon ibales ed Katawan, sikayon totoon makulang-kulang tan anggapoy liknaan? Sikato so ama yo ya amalsad sikayo, inletneg to kayo a sakey a bansa.

Deuteronomio 9:29

Say katwaan to, sikaray totoon pinilim a kayaryan tan impaway mo rad Egipto diad panamegley na baleg a biskeg tan pakayarim.’