Isaias 64:1 - Maung A Balita Biblia

¹ Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Maung a Balita Biblia

¹ Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Isaias 64:1 Iomraidhean Croise

Saray Salmo 46:6

Natatakot iray bansa, nagogolo ray nanarian; oneeyag so Dios, et natotonaw so sankamundoan.

Saray Salmo 68:8

yinmegyeg so dalin, tan angipelag na oran so tawen, lapud isabiy Dios na Sinai, say isabiy Dios na Israel.

Saray Salmo 79:10

Akin et tetepeten ed sikami na saray bansa, “Kawalaay Dios yo?” Ipanengneng mo pad sikami so panusam ed saray bansa lapud impangibung dad dala na saray aripen mo.

Exodo 19:11

Nepeg ya akaparaan ira nabwas a sakey. Diad satan ya agew onakseb ak ed Palandey na Sinai, tan diman ak nanengneng na saray totoo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Isaias 41:15

Pagmaliwen ta kayon singa sagar, a balo tan matmatdem iray tarem to. Sagaran yo ray kapalandeyan tan deralen yo ra; ondabuk iray kapokdulan ed kamekmek da.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Isaias 63:19

Ipapasen mon singa ag mo kami inoleyan a balut, singa ag kamin balut totoom.

Amos 9:13

“Onsabi ray agew,” kuay Katawan, a masiglat niy itobu na saray tanaman ed kaalogan nen say pananid saraya, tan masiglat niy katotobu da ray sengeg na ubas nen say panggawa na alak na ubas. Mangiterter na masamit ya alak iray kapalandeyan, tan mamaagos met na masamit ya alak iray kapokdulan.

Amos 9:5

Didiwiten na Katawan a Dios a Makapanyarin-amin so mundo, et nayeyegyeg; maneermen ya amin iray totoon manaayam dia. Say intiron mundo et onaatagey tan nakukusbo a singa Ilog na Nilo.

Zacarias 14:4

Diad satan a panaon sikatoy manalagey ed Palandey na Kaolibaan, a mamaarap ed bokig na Jerusalem. Insan napaldua na maawang a patar imay Palandey na Kaolibaan manlapud bokig ya anggad sagur. Say kapaldua na palandey ondere ed bandad baybay tan say kapaldua ondere ed bandad abalaten.

Marcos 1:10

Kasakbit nen Jesus, anengneng ton tampol ya alokasay tawen tan say Ispiritun singa malapati ya ondadapod sikato.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.