Isaias 63:2 - Maung A Balita Biblia

² “Akin et ambalbalangay kawes to, singa kawes na toon manggagatin na ubas a gawaen ya alak?”

Maung a Balita Biblia

² Akin et ambalbalangay kawes to, singa kawes na toon manggagatin na ubas a gawaen ya alak?

Isaias 63:2 Iomraidhean Croise

Genesis 49:11

Isisinger tod sengeg na ubas so kilaw ya asno to, Isisinger tod sankaabigan ya ubas. Ipepesak toy kawes to ed alak ya ambalangan singa dala.

Isaias 59:17

Isolung ton singa kawes a mital ed pagew to so inkatonung, tan singa hilmit so pakayarin mangilaban. Kawesan toy sikaton dili na ontan lan pampilalek a mametek ed saray pikewet tan say panusa tan pamales ed saray maoges a paniirapan na saray totoo.

Isaias 63:1

“Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg?” Sikato so Katawan, makapanyarin mangilaban, ya onsasabin mangibawag na pananalo to.

Ezekiel 35:6

Lapud saya, legan a siak so mabilay a Katawan a Dios, andi-duaruwan say patey so pansumpalan mo, tan ag mo ya nibatikan. Nankasalanan kad impanpatey mod saray totoo, kanyan osilan ka met na patey.

Puyan 14:19

Kanyan inwasiwas to may anghil so palot to tan aborbor iray ubas, insan to ra imbantak ed panagpespesan—say panagpespesan na baleg a pasnuk na Dios.

Puyan 19:13

Nitaksaw ed dala so kawes to. “Say Salitay Dios” so tawag ed sikato.

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.