Isaias 61:10 - Maung A Balita Biblia

¹⁰ Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Maung a Balita Biblia

¹⁰ Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 61:10 Iomraidhean Croise

Genesis 24:53

Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.

2 Saray Awaran 6:41

Alagey ka, Katawan a Dios, insan ka onloob ed Timplo a kaibam so Kaban na Sipanan a tanda na pakayarim, tan manayam ka dia ed ando lan ando. Bindisionan mo pa ray paparim ed amin a gawaen da, tan manliket komun iray totoom lapud kaabigan mo ed sikara.

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

Say Libro nen Job 29:14

Ginawak lawas so anggaay nayarian ko a manumpal na kaptekan tan katunongan.

Saray Salmo 132:16

Bindisionan ko ray papari to diad amin a gawaen da, tan mankanta tan oneyag iray totoo to lapud liket da.

Saray Salmo 132:9

Gawaen lawas komun na saray paparim so inkatonung; oneyag komud liket iray totoom!

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 35:9

Kanyan manggayaga ak lapud Katawan; manliket ak lapud inlaban to ak.

Kanta nen Solomon 1:10

Agaylay dakep na buek mon manasakbung na lupam; singa ra alahas a mansaloyloy ed tenger mo.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 48:18

“No komun ta dinmengel kayo ed saray ganggan ko, inmagos komun ed sikayo ray bindision a singa kolus ya ag balut naekatan. Sinmasabi komun ed sikayoy pananalo a singa saray daluyon ya onsisipwak ed gilig na dayat.

Isaias 49:18

Nengneng kad liber-liber ta imanom no antoy nagagawa! Mantitipon iray totoom—onsesempet la ra! No panon ya anggapoy duaruwa a siak so mabilay a Dios, ontan met a nikinon mo ray totoom; nikinon mo ran singa pangikinon na nubia ed saray alahas to.

Isaias 49:4

Inkuanko, “Nankimey ak, et anggapoy kabaliksan so impansagput ko! Inoput koy amin a biskeg ko, balet anggapoy agawaan ko.” Anggaman ontan napanmatalkan koy Katawan a mangyaalagey na kanepegan ko; tumangan to ak lapud saray gagawaen ko.

Isaias 51:11

Onsabin magaygayaga ed Jerusalem ira may inyagel mo, mankanta tan maneyag ira lapud liket. Manliket ira ed ando lan ando, naandi lad bilay da so ermen tan dageyem.

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Isaias 58:14

narumog yod satan so liket ya iter na panlingkur ed siak. Pagmaliwen ta kayon galgalangen na sankamundoan, tan manliket kayo ed panayam yo ed dalin ya inter kod laki yon Jacob. Siak, say Katawan, so nansalita.”

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Jeremias 2:32

Nalingwanan ta na marikit iray alahas to, odino say nubia so kawes ton para kasal? Balet nilingwanan ak na saray totook; ag nabilang iray agew ya impangilingwan dad siak.

Ezekiel 42:14

No saray paparin walad dalem na Timplo et labay day onla ed patiod paway, nepeg ya itilak dad sarayan kuarto iray masanton kawes ya insolung da legan dan manlilingkur ed Katawan. Nepeg a mampales iray sananey a kawes kasakbayan iran ompaway ya onlad pasen a kawalaan da ray totoo.”

Habacuc 3:18

manliket tan manggayaga ak nin siansia, lapud say Katawan a Dios so manangilaban ko.

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Zacarias 3:5

Ingganggan na samay anghil ira may igaganggan ya itapew dad olo nen Josue so balon turban. Legan a manalalagey diman imay anghil saramay igaganggan intapew dad olo nen Josue imay turban tan insolung dad sikato so balon kawes.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Saray Taga Roma 13:14

Balet panoleyen yo lan sigput ed bilay yo so Katawan a Jesu-Cristo, tan ibeneg yo lay makasalanan ya inkatoo yo, pian ag yo la nagawaay labay to.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

Saray Taga Roma 3:22

Papaandien na Dios so kasalanan na amin da ray mananisiad Jesu-Cristo, diad panamegley na pananisia rad Jesu-Cristo. Ta anggapoy pandoromaan na anggan siopa:

Saray Taga Roma 5:11

Aliwan saya labat, makaliliket itayo nid Dios diad panamegley nen Jesu-Cristo a Katawan tayo, ta lapud sikato nagmaliw ti lan kakaaroy Dios.

TAGA GALACIA 3:27

Ta amin yon abinyagan ya akikasakey ed Cristo, pinaloob yod bilay yo si Cristo.

FILIPOS 3:9

tan nagnap so pikasakey kod sikato. Anggapo lay pilalek kon napatonung onung na panangonur ed Ganggan, ta apatonung ak la diad panamegley na pananisiad Cristo. Inter na Dios yad siak, salanti say pakapatonung a niletneg ed pananisia.

FILIPOS 4:4

Manliket kayo lawas ed Katawan. Oliten ko: manliket kayo!

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Puyan 21:2

Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Puyan 21:9

Inmasingger ed siak so sakey ed saramay pitoran anghil a sankaawit da ray pitoran yaung a napnoy pitoran kaonuran a salot. Inkuantod siak, “Gala dia, ta ipanengneng kod sikay Nobia, say asawa na Kordiro.”

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.