Isaias 60:9 - Maung A Balita Biblia

⁹ Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Maung a Balita Biblia

⁹ Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 60:9 Iomraidhean Croise

Genesis 9:27

Say Dios parakelen to komuy Jafet! Saray kabyangay boleg to miayam ira komun ed totoo nen Sem! Magmaliw ya aripen nen Jafet si Canaan.”

1 Saray Arari 10:1

Nadngelan na riyna na Seba so inkabantug nen Solomon, kanyan linmad Jerusalem ta suboken toy Solomon diad panamegley na saray mairap a tepet.

1 Saray Arari 10:22

Wala ray bapor ton ombibiahid Tarsis a kaiba da ray bapor nen Hiram. Kapag kayariy taloy taon ompawil iran sankaawit da ray balituk, pilak, garing, tan saray bakes ya ankelag tan ankabaleg.

1 Saray Arari 22:48

Wala ray barko nen Josafat a para biahid dalin na Ofir, ta manalay balituk; balet aderal irad Ezion-geber, kanyan ag la ra nambiahin balut.

1 Saray Arari 8:41

“No say sakey a sangkailin manaayam ed arawin bansa et nadngelan toy inkabantug mo tan saray ankakabaleg a bengatlan gagawaen mod saray totoom, et onla diad igalang to ka tan mampikasi diad dalem na Timplo,

Saray Salmo 48:7

singa saray bapor ya ipapalig-palig na maksil a bagyo.

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Saray Salmo 97:1

Ari so Katawan! Manggayaga ka, O dalin! Manliket kayo, amin yon isla na saray dayat!

Exodo 33:19

Inmebat so Katawan, “Ipadalan kod arap mo so amin a kaabigan ko tan ibawag koy ngaran ko a Yahweh. Aroen tan kasian ko ray pilien ko.

Probirbio 18:20

Anien mo iray bunga na panagsalitam.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 2:16

Ipalereg to ray anggan sankabalegan tan sankarakepan a bapor.

Isaias 24:15

tan saray walad Bokig idayew da. Saray totoon manaayam ed gilig na dayat et idayew day Katawan a Dios na Israel.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Isaias 43:4

Ipatalok ya amin iray bansa pian nilaban koy bilay mo, lapud mabli kad siak tan lapud inaro ta ka tan itdan ta kay kagalangan.

Isaias 43:6

Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 49:22

Say Katawan a Dios kuantod saray totoo to: “Sinsayan ko ray bansa et pasempeten da ray anak yo.

Isaias 51:5

Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Isaias 55:5

Tawagen yo natan iray arum a bansa; ag da kayo amta nen saman, balet natan mambabtik iran ondago a mikasakey ed sikayo! Siak, say Katawan a Dios yo, say masanton Dios na Israel, so makaoley ed pakasumpal ed saya; itdan ta kayo na kagalangan tan dayew.”

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Isaias 60:6

Manlapud Madian tan Efa onsabi ray baleg ya olup na kamilyo. Manlapu rad Seba a sankaawit day balituk tan insinso. Saray totoo ibaga ray maung a balitan nipaakar ed ginawa na Katawan!

Isaias 66:12

Say Katawan kuanto, “Iyakar kod sikayoy ag manganggan aligwas; saray kayamanan na saray bansa onagos irad sikayo a singa sakey ya ilog ya ag balut naekatan. Magmaliw kayon singa sakey ya ogaw ya aasikasoen na ina to, aampopoen to, tan aaroen to.

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Jeremias 30:19

Mankanta na panangidayew iray totoon manaayam diman; maneyag irad liket. Lapud panamindision ko ondakel ira, tan napagalangan ira.

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Mikias 7:12

Ompawil ed sikayo iray kadalaan yo a manlapu rad nandoroman pasen—manlapu rad Asiria ed bokig, diad Egipto ed abalaten, diad dalin na Ilog na Eufrates, diad saray ararawin dayat tan kapalandeyan.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Zacarias 14:14

Saray totoo ed Juda et mibakal ira a mangyagel ed Jerusalem. Samsamen da ray kayamanan na amin a bansa—saray balituk, saray pilak, tan mapalaloy karakel a kawes.

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”

Juan 17:26

Impaamta ta kad sikara tan ituloy ko yan gawaen, pian niwalad sikara so panangarom ed siak, tan niwala ak ed sikara.”

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

TAGA GALACIA 3:26

Diad panamegley na pananisia yod Cristo Jesus, anak kayon amin na Dios.

TAGA GALACIA 4:26

Balet say mangatatawen a Jerusalem et aliwan aripen, tan sikatoy ina tayo.

Josue 9:9

Insan da tinongtong ed sikato yan istorio: “Arawdawin dalin so nanlapwan mi, lapud nadngelan miy nipaakar ed Katawan a Dios yo. Nadngelan miy amin a ginagawa to ed Egipto