Isaias 60:7 - Maung A Balita Biblia

⁷ Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Maung a Balita Biblia

⁷ Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Isaias 60:7 Iomraidhean Croise

Genesis 25:13

Nia ray kangaranan na lalakin anak nen Ismael, manlapud sankapangulowanan ya anggad sankayogtanan: Nebayot, Kedar, Abdeel, Mibsam,

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Saray Salmo 120:5

Say piamung ed sikayo et singa kaoges na panayam ed Mesec o piamung ed saray taga Kedar!

Kanta nen Solomon 1:5

Bibiid Jerusalem, andeket ak balet maganggana ak, andeket ak a singa saray tulda ed Kedar, balet maganggana ak a singa kurtinad palasio nen Solomon.

Isaias 19:19

No onsabiy tan a panaon, nawalaan na altar a para Katawan so Egipto tan say sakey a masanton lusek a nisaklang ed sikato diad Egipto.

Isaias 19:21

Ipaamta na Katawan so sikaton dili ed saray Egipsio; birbiren dad satan tan igalang da, tan isaklangan da na saray bagat. Masimsimoon irad satan a mansipan tan sumpalen da ray sipan da.

Isaias 21:16

Insan inkuan ed siak na Katawan, “Diad loob na duga-rugan sakey taon mangangga so inkatalonggaring na saray tribu na Kedar.

Isaias 42:11

Say kalawakan tan saray baley to et igalang da komun so Dios; igalang komun na saray totood Kedar! Saray totoon manaayam ed siudad na Sela et oneyag ira komun diad toktok na kapalandeyan lapud liket da!

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Isaias 60:13

“Saray kiew a saleng, sipris, juniper, Saray sankaabigan a kiew ed katakelan na Libano, Et niakar ira a pamaalagey lamet ed sika, O Jerusalem, Pamarakep ira ed Timplok, Pian magmaliw a galgalangen so siudad ko.

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Ezekiel 27:21

Saray taga Arabia tan saray manoley ed dalin na Kedar et imbayar dad saray lakom iray kordiro, karniro, tan kanding.

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato

Sofonias 3:10

Anggan saray totook a nikaykayat ed arawin pasen na Sudan et mangyakar irad siak na saray bagat.

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Hebreo 13:10

Saray paparin manlilingkur ed panangigalangan da ray Judio et anggapoy kanepegan dan mangan ed saray bagat diad altar tayo.