Isaias 60:5 - Maung A Balita Biblia

⁵ Nanengneng mo yan nagawa, et nalimbos kay liket; Manlukso-lukso ka lapud liket mo. Niakar ed sika iray kayamanan na saray bansa; Onsabin manlapud biek na dayat iray kayamanan da.

Maung a Balita Biblia

⁵ Nanengneng mo yan nagawa, et nalimbos kay liket; Manlukso-lukso ka lapud liket mo. Niakar ed sika iray kayamanan na saray bansa; Onsabin manlapud biek na dayat iray kayamanan da.

Isaias 60:5 Iomraidhean Croise

Saray Salmo 119:32

Mapeleng kon onuren iray ganggan mo, ta aruman mo niy pakatalus ko.

Saray Salmo 34:5

Onsisingger ed sikato ray napapairap, et magayaga ra; ag iran balut nabaingan.

Isaias 23:18

Say kuartan natubo to ed nigosio et niyapay ed Katawan. Ag to isinup yan kuarta, no ag ingen ikana na saray manangigalang ed Katawan diad pansaliw da na tagano tan saray kawes a nakaukolan da.

Isaias 54:2

Pabaleg moy tuldan panaayaman mo; parokey moy singer to tan paletan mo ray palpal to!

Isaias 60:11

Agew-labin silolokas naani iray puirtam, Pian saray ararid bansa Nayarin iyakar dad sika iray kayamanan da.

Isaias 61:6

Natawag kayo a papari na Katawan, Saray aripen na Dios tayo. Manliket kayod kayamanan na saray bansa Tan ikinon yon kayaryan yo ra.

Isaias 66:12

Say Katawan kuanto, “Iyakar kod sikayoy ag manganggan aligwas; saray kayamanan na saray bansa onagos irad sikayo a singa sakey ya ilog ya ag balut naekatan. Magmaliw kayon singa sakey ya ogaw ya aasikasoen na ina to, aampopoen to, tan aaroen to.

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Mateo 25:16

Samay akaawat na liman liboy pisos innigosio ton tampol, tan akatuboy liman liboy pisos.

Saray Gawgawa 10:45

Mankelaw ira may mananisian Judio a kakaiba nen Pedro, ta inter met na Dios ed saray Hintil so panangaron Ispiritu Santo.

Saray Gawgawa 11:17

Malinlinew sirin ya initdan met na Dios ira man a Hintil na panangaron inter tod sikatayo nen anisia tayod Katawan a Jesu-Cristo. Siopa ak a manebel ed Dios?”

Saray Gawgawa 24:17

“Pigay taon ya anggapo ak ed Jerusalem, insan ak pinmawil a mangiter na tulong ed saray kabaleyan ko, tan mangibagat ed Dios.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Saray Taga Roma 15:26

Ta mabolbolus a nampapakna ray iglisiad Macedonia tan Acaya a mangiter iray tulong ed saray mairap-bilay a totooy Dios a wala rad Jerusalem.

2 CORINTO 10:15

Kanyan ag mi ipapasirayew so kimey a ginawa na saray arum a linmabas ed panganggaan ya inter na Dios ed sikami. Maniilalo kami ingen ya ombaleg komuy pananisia yo tan ondakel komuy nagawaan mid sikayo, tan ag komun onlabas ed panganggaan ya inter na Dios ed sikami.

Deuteronomio 33:19

Imbitaan dad palandey da ray sangkaili. Tan mangisaklang irad man na manepeg iran bagat. Diad dayat so pangaalaan day kayamanan da Tan diad saray buer ed gilig na dayat.”

Puyan 21:24

Diad sayan liwawa manakar ya amin iray bansa, tan awiten diman na saray arid dalin so kayamanan da.

Puyan 21:26

Niakar ed saman a siudad so kagalangan tan kayamanay amin a bansa.

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.