Isaias 60:21 - Maung A Balita Biblia

²¹ Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Maung a Balita Biblia

²¹ Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 60:21 Iomraidhean Croise

2 Samuel 7:10

Amili ak na sakey a pasen a para saray totook ya Israel tan impanayam ko rad man ya ag la ra nasigensigen. Nanlapu lad inloob dad sayan dalin, dinodogpaan ira na maruksan totoo, balet ag la ya nagawad sikara. Isipan kon iyagel ta kad saray kalaban mo, tan parakelen ko ray kabyangay boleg mo.

Saray Salmo 37:11

Balet nakayaryan na saray mapaabeba so dalin; manliket ira lapud maaligwas tan mareen so bilay da.

Saray Salmo 37:18

Say Katawan aasikasoen to ray matoluk ed sikato, tan nakayaryan dan anggad angga so dalin.

Saray Salmo 37:22

Ta saray binindisionay Katawan et nakayaryan day dalin, balet napagit iray insamba to.

Saray Salmo 37:29

Saray matonung kayaryanen day dalin, tan panayaman da ya anggad angga.

Saray Salmo 92:13

Singa ra kiew ya intanem ed abung na Katawan, ya onsasalumpapak ed Timplo na Dios tayo;

Isaias 19:25

Bindisionan ira na Katawan a Makapanyarin-amin a kuanto, “Bindisionan ta ka Egipto, sika a took; Asiria, sika a pinalsak; tan Israel, sika a toon pinilik.”

Isaias 24:16

Narengel mid sankaarawian a pasen na mundo iray kantan pangidayew ed Israel, say matonung a bansa. Balet anggapoy ilalon para siak! Pangaskasiyan lay kipapasen ko! Itutuloy na saray traidor so mamalikdo, tan onloloor so panagpalikdo ra.

Isaias 26:2

Lokasan iray puirta na siudad tan palooben so matoor a bansa, say bansa a matonung so gagawaen da ray totoo to.

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

Isaias 43:21

Sikaray totoon ginawak a para siak, mankanta ra na saray dayew ko!”

Isaias 43:7

Sikaray dilin totook, tan pinalsak ira a mangiter ed siak na kagalangan.”

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Isaias 45:11

Say Katawan a masanton Dios na Israel, a walad lima toy nagawad arapen, kuanto: “Anggapoy kanepegan mon manepet na nipaakar ed saray anak ko odino ibagam ed siak so nepeg kon gawaen!

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

Isaias 45:8

Mangiter ak na pananalon singa oran a manlapud tawen; onsangiy dalin a mangawat ed oran et manrosas na kilalaban tan inkatonung. Siak, say Katawan, so mangyabuloy a nagawa ya.”

Isaias 49:3

Inkuantod siak, “Israel, sikay aripen ko; lapud sika, idayew ak na saray totoo.”

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Isaias 57:13

No onkerew kayoy tulong, pailaban kayod saratay talintaoy diriyos yo. Diad sakey a siplug na dagem, nibantak ira! Balet saray manmamatalek ed siak et nakayaryan day dalin tan igalang da ak ed Timplok.”

Isaias 61:11

Anggapoy duaruwa ya ombasik tan ontubo iray bokel a nisibwag ed dalin, Ontan met ya anggapoy duaruwan ilaban na Katawan a Dios iray totoo to, Tan idayew na amin da ray bansa.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Isaias 61:7

Angangga lay kababaingan tan say inkaandian yoy kagalangan. Manayam kayod dilin dalin yo. Tan nadoblian so kayamanan yo; Mansiansiad ando lan ando so liket yo.

Isaias 62:4

Ag ka la natawag na “Nikaindan,” Odino say dalin mo et natawag na “Say tinaynan ya Asawan Bii.” Say ngaran mo magmaliw a “Makakaliket so Dios ed Sikato.” Say dalin mo natawag na “Maliket a Naasawa,” Lapud makaliliket ed sika so Katawan Tan magmaliw kan singa asawan laki ed dalin mo.

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Isaias 65:9

Bindisionan ko ray Israelitan kabyangay tribu nen Juda, tan kayaryanen na saray kabyangay boleg da so dalin kon kapalandeyan. Manayam diman iray pinilik a totoo a manlilingkur ed siak.

Jeremias 24:6

Asikasoen ko ra tan ipawil ko rad sayan dalin. Iletneg, aliwan temeken, ko ra; itanem, aliwan baguten, ko ra.

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

Ezekiel 11:17

“Kanyan ibagam ed sikara so ibabagak, siak a Katawan a Dios. Tiponen ko ra manlapud saray bansan angitayakan kod sikara, tan ipawil kod sikaray dalin na Israel.

Ezekiel 34:29

Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Ezekiel 47:7

et nen wadman ak anengneng kod man ya amayamay iray kakiewan ed balang pandel na ilog.

Amos 9:15

Itanem ko ray totook ed dalin ya inter kod sikara, et ag la ran balut nabagut.” Say Katawan a Dios yo so nansalita.

Obadias 1:17

“Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Mateo 15:13

Inmebat si Jesus, “Nabagut so balang tanaman ya ag intanem na Amak a walad tawen.

Mateo 5:5

“Maliket iray mapaabeba, ta tawiren day dalin ya insipay Dios!

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

TAGA-EFESO 2:7

Ginawa to ya pian nipanengneng tod arapen a panaon so ag nabilang a kayamanay panangaro tod sikatayo, diad panamegley nen Cristo Jesus.

2 TESALONICA 1:10

Nagawa ya ed Agew ya isabi ton mangawat na galang a manlapud saray totoon pinili to, tan say dayew a manlapud saray mananisiad sikato. Kaiba da kayo met, ta sinisia yoy Maung a Balitan impulong mid sikayo.

2 Pedro 3:13

Balet onung ed sipay Dios, manalagar itayoy balon katawenan tan balon dalin a panayamay katonungan.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.

Puyan 5:10

Ginawam iran sakey a panarian tan impagmaliw mo ran papari a manlingkur ed Dios tayo; tan manari rad tapew na dalin.”