Isaias 6:6 - Maung A Balita Biblia

⁶ Insan sakey ed saramay sirapin so tinmikyab ed kawalaan ko. Walay sankaawit ton ngalab a sinipit ton inalad altar.

Maung a Balita Biblia

⁶ Insan sakey ed saramay sirapin so tinmikyab ed kawalaan ko. Walay sankaawit ton ngalab a sinipit ton inalad altar.

Isaias 6:6 Iomraidhean Croise

Exodo 25:38

Manggawa ka na saray puron balituk a panagpotut na pabilo tan saray delsangan.

Isaias 6:2

Manalalagey ed kaliber-liber to iray sirapin, ya anemiray payak na balang sakey. Kapag sirapin sinakbungan toy lupa to na duaran payak to, tan say laman to asakbungan na duara met a payak, tan saramay duara inkana rad pantikyab.

Jeremias 1:9

Insan inyonat na Katawan so taklay to, diniwit to ray bibil ko, insan kuantod siak, “Nia, iter kod sika ray nepeg mon salitaen.

Ezekiel 10:2

Say Dios kuantod samay toon akakawes na linen, “Lakad nanleetan na saray dalig a walad silong da ra may pinalsa tan panom na ngalab iray limam. Insan mo itayak ed intiron siudad iray ngalab.” Binantayan kon linma.

Levitico 16:12

mangala na pananginay insinso a napnoy ngalab a nanlapud altar tan duaran akup a pinon insinso, insan awiten to ra ed loob na Sankasantosan a Pasen.

Saray Bilang 16:46

et si Moises kuantod kinen Aaron, “Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.”

Mateo 3:11

Siak bibinyagan ta kayo ed danum a pakanengnengay impagbabawi tan impangibeneg yod saray kasalanan yo; balet say manomtombuk ya onsalat ed siak et binyagan to kayo ed Ispiritu Santo tan apoy. Lalon makapanyari nen siak tan ag ak manepeg ya anggan manlibit na saray sandalya to.

Saray Gawgawa 2:3

Insan anengneng day singa ra dilan apoy a binmuyak tan balang sakey ed sikara so dinapoan na sakey a dila.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Saray Hebreo 1:7

Nipaakar ed saray anghil, inkuay Dios, “Say Dios gagawaen ton dagem iray anghil to, tan manliub ya apoy iray aripen to.”

Saray Hebreo 13:10

Saray paparin manlilingkur ed panangigalangan da ray Judio et anggapoy kanepegan dan mangan ed saray bagat diad altar tayo.