Isaias 6:5 - Maung A Balita Biblia

⁵ Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Maung a Balita Biblia

⁵ Inkuanko, Pakaskasi ak la! Anggapo lay ilalok! Maoges ya amin so sasalitaen na dilak, tan maayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.

Isaias 6:5 Iomraidhean Croise

Genesis 32:31

Pinmaway lay agew nen ontataynan lay Jacob manlapud Peniel; mankitley lapud samay tapi to.

Saray Salmo 24:10

Siopa yan matalonggaring ya ari? Say Katawan a makapanyarin-amin—sikatoy matalonggaring ya ari!

Exodo 24:10

insan anengneng da so Dios na Israel a manalalagey ed pasen a sapiro tan malinew a singa kolur na tawen.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Exodo 33:20

Ag ko ipanengneng ed sikay lupak, ta anggapoy toon mambilay a makanengneng na lupak,

Exodo 4:10

Balet si Moises inkuanto, “Katawan, gendat ya aliwa ak a marunong a mansalita, tan onya ak ni, anggaman ya akitongtong ka lad siak. Makapoy ak a mansalita tan ata-ata ak.”

Exodo 6:12

Balet inmebat si Moises, “Panoy idengel ed siak na ari, anta ag ak dengelen na anggan saray Israelita? Makapoy ak ni met a mansalita.”

Exodo 6:30

Balet inmebat si Moises, “Amtam so kakapoyan kon mansalita. Panoy idengel na ari ed siak?”

Isaias 24:16

Narengel mid sankaarawian a pasen na mundo iray kantan pangidayew ed Israel, say matonung a bansa. Balet anggapoy ilalon para siak! Pangaskasiyan lay kipapasen ko! Itutuloy na saray traidor so mamalikdo, tan onloloor so panagpalikdo ra.

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

Isaias 33:17

Nanengneng yo lamet so sakey ya arin sigagalang a manoley ed sakey a dalin ya onlaknab ed amin a dapag.

Isaias 59:3

Nankasalanan kayod panagtila yo, panagduksa yo, tan panagpatey yoy too.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

Jeremias 51:57

Bueken ko ray manoley to— saray makabat ton totoo, saray pangulo to, tan saray sondalo to. Onogip ira tan ag ira lan balut ombangon. Siak, say ari, so nansalita; siak so Katawan a Makapanyarin-amin.

Ezekiel 12:2

Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Daniel 9:20

Intuloy ko so nampikasi; impatwak iray kasalanan ko tan saray kasalanan da ray totook ya Israel, tan kinerew kod Katawan a Dios ko ya ipawil to la komun ed gendat a kipapasen so masanton Timplo to.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Saray Bilang 17:12

Saray Israelita kuandad kinen Moises, “No ontan sirin, ompatey kami lan amin! Anggaan mi la!

Saray Huis 13:22

Inkuanen Manoa ed samay asawa to, “Andi-saew ya ompatey ita, ta anengneng ta lay Dios!”

Saray Huis 6:22

Diad saya abirbir nen Gedeon ya anghil na Katawan imay anengneng to, kanyan natatakot a kuanto, “Katawan a Dios, anengneng kod lupa-lupaan so anghil mo!”