Isaias 6:13 - Maung A Balita Biblia

¹³ Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Maung a Balita Biblia

¹³ Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang. (Say sengeg iyaaliling toy balon gapowan na saray totoo na Dios.)

Isaias 6:13 Iomraidhean Croise

Genesis 22:18

Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.”

Esdras 9:2

Saray lalakin Judio et angaasawa ra na saray bibiin taga arum a bansa, kanyan alaukan so poli na masanton totoo na Dios. Saray pangulo tan saray opisyal so manonan mananumlang.

Esdras 9:8

Katawan a Dios mi, kinasian mo kamin agano tan inyabuloy mon akabatik so pigarad sikami tan manayam ya arawid kaatapan ed sayan masanton pasen. Inyabuloy mon nibatikan miy pangaaripen dad sikami tan initdan mo kamiy balon bilay.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Isaias 4:3

Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.

Ezekiel 6:8

“Abuloyan kon ag napatey iray arum a totoo tan nataytayak irad saray bansa,

Amos 5:3

Say Katawan a Dios kuanto, “Mangibabaki na sanlibon sondalo so sakey a siudad na Israel balet sansanlasus so ompapawil ed sikara; mangibabaki na sanlasus a sondalo so sananey a siudad balet samsamploray ompapawil ed sikara.”

Mikias 5:6

Diad pakapanyari ra nadakep day Asiria, say dalin na Nimrod, et iyagel da tayod saray taga Asiria no looban day dalin tayo.

Sofonias 3:12

Mangikera ak diman na mapaabeba ran totoo ya onsingger iran onkerew ed siak na tulong.

Zacarias 13:8

et ompatey ed intiron dalin so kakatlo na totoo.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Marcos 13:20

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Saray Taga Roma 9:5

Diad saray bantug a lalaki da ray Hebreo so sengeg na boleg da, et diad boleg da so nanlapwan nen Cristo sanen nagmaliw a too. Sikato a Dios a Sankatageyan et nagalang komun ed ando lan ando! Amen.

Deuteronomio 28:62

Anggaman a magmaliw kayo a singa karakel na bitewen ed tawen, dagdaiset labat so natilak ed sikayon mabilay, lapud ag yo inonur so Katawan a Dios yo.

Deuteronomio 7:6

Gawa yo ra ya, ta kayaryan kayo na Katawan a Dios yo. Diad amin da ray totood tapew na dalin pinili to kayon dili a nidoma-doman totoo to.