Isaias 6:10 - Maung A Balita Biblia

¹⁰ Insan inkuantod siak, “Pagmaliw mon anawet so olo na sarayan totoo, telek iray layag da, tan bulag iray mata ra, pian ag ira makatalus o makanengneng o makadngel. Ta no makatalus, makadngel, odino makanengneng ira, nayarin ompawil irad siak tan naabigan ira.”

Maung a Balita Biblia

¹⁰ Insan inkuantod siak, Pagmaliw mon anawet so olo na sarayan totoo, telek iray layag da, tan bulag iray mata ra, pian ag ira makatalus o makanengneng o makadngel. Ta no makatalus, makadngel, odino makanengneng ira, nayarin ompawil irad siak tan naabigan ira.

Isaias 6:10 Iomraidhean Croise

Saray Salmo 119:70

Ag makatalus ira yan totoo, balet panliliketan koy ganggan mo.

Saray Salmo 17:10

anggapoy panangasi ra tan mapasirayew iran mansasalita.

Saray Salmo 69:23

Bolag mo pa ra, pian ag ira makanengneng; pakapoy mo pa lawas so balangbang da!

Exodo 10:27

Pinaawet na Katawan so puso na ari, kanyan ag to abuloyan ya onla la ray Israelita.

Exodo 11:10

Ginawa di Moises tan Aaron ira yan amin a milagro diad arap na ari, balet pinaawet na Katawan so puso na ari, kanyan ag abuloyan na ari ya ontaynan iray Israelita ed bansa to.

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 7:3

Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Probirbio 16:30

Manalwar kad saray totoon mankindat tan manimimis ed sika; walay nunot dan maoges a gawaen.

Ecclesiastes 3:3

Say panaon na pampatey tay say panaon na pampaabig, say panaon na pangigeba tan say panaon na pamaalagey.

Isaias 19:22

Dusaen na Katawan iray Egipsio, insan to ra balet paabigen. Ompawil irad sikato, dengelen to ray pikakasi ra tan paabigen to ra.

Isaias 28:13

Lapud saya ibangat kayo na Katawan diad panamegley na tonggal litra, tonggal linya, tan tonggal liksion. Diad satan niparokul kayo diad balang ikupbang yo. Nasugat kayo, napatitan kayo, tan nadakep kayo.

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 29:9

Mankulang-kulangan kayo, et magmaliw kayon makulang-kulang. Manbulag-bulagan kayo, et magmaliw kayon bulag. Magmaliw kayon abuek, anggaman ya anggapoy alak! Mandongilngil kayo, anggaman ya ag kayo akainom na anggan sankaakmon ya alak!

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Isaias 63:17

Akin et abuloyan mon nabalangan mi ray dalan mo? Akin et papaaweten moy olo mi, pian nibeneg mi ka? Pawil ka pa, makasengeg ed saray totoon manlilingkur ed sika, saray totoon kayaryan mo lawas.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Saray Tagleey 3:65

Isambam pa ra tan itdan mo pa ra na anawet a puso!

Zacarias 11:15

Insan say Katawan kuantod siak, “Maminsan ni a magmaliw kan pumapastol, balet natan andi-kakanaan kan pumapastol.

Zacarias 7:11

“Balet anawet so olo da ray totook; ag ira dinmengel. Kinaputan day isip da.

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

Saray Gawgawa 28:27

Ta inmawet iray olo da ra yan totoo, saray layag da nakar dan pinepetan, tan inkopit da ray mata ra. Lapud ag da labay a makanengneng, o makadngel o makatalus ira. Ta ompan lagi ompawil irad siak a mabolbolus, et paabigen ko ra—kuay Dios.’”

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Deuteronomio 29:3

Anengneng yo ra may makapataktakot a salot, saramay milagro, tan saramay ankakabaleg a pakelaw a ginagawa na Katawan.

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.