Isaias 59:7 - Maung A Balita Biblia

⁷ Maoges lawas iray plano yo, tan agaylay siglat yon manumpal. Bengat-bengat kayon mamapatey na saray totoon anggapoy kasalanan. Deral tan bagbag so ititilak yo ed inerman a laen yo,

Maung a Balita Biblia

⁷ Maoges lawas iray plano yo, tan agaylay siglat yon manumpal. Bengat-bengat kayon mamapatey na saray totoon anggapoy kasalanan. Deral tan bagbag so ititilak yo ed inerman a laen yo,

Isaias 59:7 Iomraidhean Croise

Probirbio 1:16

Magangganat iran manggaway kaogsan. Mammainomay day mamatey.

Probirbio 15:26

Kabosul na Katawan iray maoges a kanunotan, balet pakaliliketan to ray salitan makaruyruyo.

Probirbio 24:9

Kasalanan so antokaman ya iplaplano na makulang-kulang. Kabosul na saray totoo so toon managbalaw na kapara ton too.

Isaias 15:5

Kaskasian koy Moab! Batik ed baley na Zoar tan diad Eglatshelishiyah iray totoo to. Manakakis ya ontatatdang ed Luhit iray pigaran totoo; saray arum batik irad Horonaim a maksil so panakakis da lapud sinmabin deral.

Isaias 32:6

Andi-kakanaan so sasalitaen na makulang-kulang tan maoges so nununoten ton gawaen. Panamabaing ed Katawan iray gagawaen tan sasalitaen to, tan ag ton balut iitdan na kakanen iray narasan o iitdan na inomen iray napgaan.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 59:3

Nankasalanan kayod panagtila yo, panagduksa yo, tan panagpatey yoy too.

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Isaias 66:18

Amtak iray kanunotan tan saray gawgawa ra. Onsabi ak a manipon ed saray totood amin a bansa. No mantitipon ira, nanengneng da no antoy nagawaan na pakayarik

Isaias 66:4

Kanyan iyakar kod sikaray deral—saray bengatlan tatakotan da—lapud anggapod sikaray inmebat nen tinmawag ak, odino dinmengel nen nansalita ak. Nilabay day ag mangonur ed siak tan say manggaway kaogsan.”

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Jeremias 41:7

Kaloob dad siudad, pinatey ira nen Ismael tan saray totoo to, insan da impepelag ed bobun iray bangkay da.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Ezekiel 18:12

Sasaolen to ray mairap-bilay, mantatakew, ag to ipapawil so ipopotika na saray akautang ed sikato. Oonlad kawalaan da ray paganon altar, tan igagalang to ray makapaingungot a talintaoy diriyos,

Ezekiel 22:6

Amin da ray pangulo na Israel et manmamatalek irad dilin biskeg da tan mampapatey iray totoo.

Ezekiel 9:9

Inmebat so Dios, “Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.