Isaias 59:2 - Maung A Balita Biblia

² Saray kasalanan yo so makasengeg na ag to idengel ed sikayo. Saray kasalanan yo so mamapasian ed sikayo ed Dios no mangigalang kayod sikato.

Maung a Balita Biblia

² Saray kasalanan yo so makasengeng na ag to idengel ed sikayo. Saray kasalanan yo so mamapasian ed sikayo ed Dios no mangigalang kayod sikato.

Isaias 59:2 Iomraidhean Croise

Probirbio 15:29

No mampikasi ray maung a totoo, ondengel so Katawan, balet ag to aasikasoen iray totoon maoges.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Isaias 58:4

Say panaayuno yo pagmamaliwen to kayon maruksa, tan mankokolkol kayo tan manlalaban kayo. Abaloan yo dengelen ko ray pikakasi yo lapud sayan panagayuno yo?

Jeremias 5:25

Balet lapud saray kasalanan yo, abalang yo ra yan maabig a bengatla.

Saray Tagleey 1:8

Mapalalon kaogsan so ginawa na Jerusalem, kanyan sikatoy adotakan. Balbalawen la natan na saray mangidadayew ed sikato, lapud anengneng dan alakseban. Manayay tan isasanib toy lupa to lapud kababaingan.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Josue 7:11

Nankasalanan so Israel! Sinumlang da so paknaan ya ingganggan kod sikaran sumpalen da. Angala ra na pigaran bengatlan nepeg a deralen. Tinakew da, intila ray impanakew da, tan impikasakey dad saray kayaryan da.

1 Samuel 4:3

Nen pinmawil ed kampo iray ag apatey ed bakal, inkuan na saray pangulod Israel, “Akin et inyabuloy na Katawan a taloen itayo natan na saray Filisteo? Tila ta alaen tayod Silo so Kaban na Sipanan na Katawan, pian milad sikatayo so Katawan tan iyagel to itayod saray kalaban tayo.”