Isaias 59:19 - Maung A Balita Biblia

¹⁹ Amin a totoo, manlapud bokig ya anggad sagur, takotan day Katawan tan say baleg a pakayari to. Onsabi a singa maples ya ilog, singa mabiskeg a dagem.

Maung a Balita Biblia

¹⁹ Amin a totoo, manlapud bokig ya anggad sagur, takotan day Katawan tan say baleg a pakayari to. Onsabi a singa maples ya ilog, singa mabiskeg a dagem.

Isaias 59:19 Iomraidhean Croise

Saray Salmo 113:3

Manlapud bokig ya anggad sagur idayew yoy ngaran na Katawan!

Saray Salmo 22:27

Amin da ray bansa et nanunotan day Katawan. Manlapud amin a sokung na mundo onlingaw irad sikato; igalang na amin a katoowan.

Saray Salmo 61:5

Nadngel mo ray sipan ko, O Dios, tan inter mod siak so tawir da ray mangigagalang ed sika.

Isaias 30:27

Nanengneng ed arawi so pakayari tan kagalangan na Katawan. Ipapanengneng na apoy tan asewek so pasnuk to. Mansasalita et ondadalang a singa apoy iray salita to.

Isaias 30:28

Ibabaki toy walad arap ton dagem a singa delap a mangyaanur ed amin a bengatla. Ipapalanas ton deralen iray bansa tan patotondaen to ray maoges a plano ra.

Isaias 45:6

Gagawaen ko ya pian naamtaan na amin a katoowan ed sankamundoan a siak so Katawan tan anggapo lay arum.

Isaias 49:12

Manlapud arawin dalin iray totook, manlapu rad baybay tan diad sagur, tan manlapu rad Aswan diad abalaten.”

Isaias 66:12

Say Katawan kuanto, “Iyakar kod sikayoy ag manganggan aligwas; saray kayamanan na saray bansa onagos irad sikayo a singa sakey ya ilog ya ag balut naekatan. Magmaliw kayon singa sakey ya ogaw ya aasikasoen na ina to, aampopoen to, tan aaroen to.

Isaias 8:7

siak, a Katawan, iyakar ko diay impirador na Asiria tan amin da ray sondalo to, ta dogpaan day Juda. Onsulong iran singa agos na danum a linmipwad saray pandel na Ilog na Eufrates.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Mikias 7:17

Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Mateo 8:11

Tandaan yo ya! Amayamay iray manlapud bokig tan sagur a mirongod kindi Abraham, Isaac, tan Jacob ed Panariay tawen.

2 TESALONICA 2:8

No nakal la, ompaway la yan Maoges, tan sikatoy pateyen na Katawan a Jesus no onsabi, diad panamegley na ingas to, tan deralen to diad panamegley na mapagalang ya isabi to.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 12:10

Insan nadngel koy maksil a bosis ed tawen ya inkuanto, “Sinmabi lay pangilabay Dios! Impanengnengto lay pakayari ton Ari! Impanengneng la na Cristo so pakaoley to! Ta apataynan lad tawen so mangaakusan agew-labi ed saray agagi tayo, diad arap na Dios.