Isaias 59:14 - Maung A Balita Biblia

¹⁴ Apaarawi lay inkatonung, tan ag makaasingger lay kaptekan. Niparokul ed plasa so katwaan, tan anggapod may pasen na inkatoor.

Maung a Balita Biblia

¹⁴ Apaarawi lay inkatonung, tan ag makaasingger lay kaptekan. Niparokul ed plasa so katwaan, tan anggapod may pasen na inkatoor.

Isaias 59:14 Iomraidhean Croise

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

1 Saray Arari 21:11

Ginawa na saray opisyal tan saray manonan totoo ed Jezreel so ingganggan nen Jezebel.

Saray Salmo 119:150

Manasingger iray maruksan mamapairap ed siak, saray totoon ag balut mangoonur na ganggan mo.

Ecclesiastes 3:16

Aliwan saya labat; naimanok met a diad sayan mundo naalmo so kaogsan, anta kaptekan tan katonungan komun so naalmo.

Isaias 1:21

Say siudad a matoor nen saman et nagmaliw la natan a singa marotak a bii! Nen saman matonung a totoo iray manaayam diman; balet natan saray managpatey na totoo labat lay manaayam.

Isaias 46:12

“Dengel kayod siak, sikayon totoon anawet ya impanpuso, ya abaloan yon arawi ni so pananalo.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Isaias 59:11

Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Isaias 59:9

Saray totoo kuanda, “Amta tayo la natan no akin et ag itayo iyagel na Dios ed saray mamapairap ed sikatayo. Pampipilalekan tayoy liwawan pankurangan, balet bilonget labat ya amin so wala,

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Jeremias 7:28

Ibagam ed sikara a say bansa ra et ag onoonur ed siak, say Dios dan Katawan; ag ira makakaaral ed panametek ko. Inatey lay katooran da; ag da la anggan sasalitaen.”

Daniel 8:12

Nankasalanan iray totoo, anta mangisaklang ira komun na manepeg ya inagew-agew a bagat, tan nibantak ed dalin so katwaan. Maaligwas imay saklur ed amin a ginagawa to.

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Habacuc 1:4

Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.