Isaias 59:13 - Maung A Balita Biblia

¹³ Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Maung a Balita Biblia

¹³ Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Isaias 59:13 Iomraidhean Croise

Say Libro nen Job 31:28

Say nepeg a dusa na sayan kasalanan et patey; paandien ton wala so Makapanyarin-amin a Dios.

Saray Salmo 18:21

Tinoluk koy ganggan na Katawan; ag ko imbeneg so Dios ko.

Saray Salmo 78:36

Balet tilan amiy salita ra, tan lastug ya amiy imbaga ra.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Isaias 10:1

Pakaskasi kayo la! Manggagawa kayo na saray pikewet a ganggan a mamapairap ed saray totook.

Isaias 30:12

Balet say masanton Dios na Israel kuanto: “Ag yo labay a dengelen iray ibabagak, no ag ingen manmamatalek kayod panagduksa tan panagpalikdo.

Isaias 31:6

Inkuan na Dios, “Totood Israel, nankasalanan tan linmaban kayod siak. Balet pawil kayo la natan ed siak!

Isaias 32:6

Andi-kakanaan so sasalitaen na makulang-kulang tan maoges so nununoten ton gawaen. Panamabaing ed Katawan iray gagawaen tan sasalitaen to, tan ag ton balut iitdan na kakanen iray narasan o iitdan na inomen iray napgaan.

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Isaias 57:11

Say Katawan kuanto, “Siopa ra yan diriyos a mamapatakot ed sikayo, kanyan tilatilaan yo ak tan sigput yo ak lan lilingwanan? Tinondaan yo lay pangigagalang yod siak lapud abayag ak ya ag oneseesel?

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”

Isaias 58:9

No mampikasi kayo, ebatan ta kayo. No ontawag kayod siak, eselan ta kayo. “No patondaen yoy panamairap yod kapara yon totoo, say panangipanengneng yoy panagbosul yo, tan say panagsalita yoy maoges;

Jeremias 12:8

Saray totoon pinilik sinumpa da ak; singa ra lion ed katakelan nangwam irad siak, kanyan kabosul ko ra.

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Jeremias 2:16

Saray taga Memfis tan saray taga Tafnes binetag day lapis-lapis na olo to.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Jeremias 3:20

Balet singa biin aliwan matoor ed asawa to, sikay aliwan matoor ed siak. Siak, say Katawan, so nansalita.”

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Jeremias 42:20

ta satay kalingo yo et mambunga na ipatey yon amin. Kinerew yod siak ya ipikasi ta kayo ed Katawan a Dios tayo, tan insipan yo a gawaen yoy amin ya ingganggan to.

Jeremias 5:23

Balet sikayo ran totoo! Anawet so olo yo tan mananumpa kayo; imbeneg yo ak, insan yo ak tinaynan.

Ezekiel 18:25

“Balet kuanyo, ‘Aliwan matonung so gagawaen na Katawan a Dios!’ Dengel yo ak, sikayo ran Israelita. Abaloan yo aliwan maptek so gagawaen ko? Saray gagawaen yo ingen so aliwan maptek.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Oseas 1:2

Nen inmonan akisalitay Katawan ed Israel diad panamegley nen Oseas, inkuantod kinen Oseas, “Laka ta mangasawa ka; say naasawam et magmaliw ya aliwan matoor ed sika, tan saray anak mo naani et magmaliw iran singa sikato. Ontan met so impangikaindan ed siak na saray totook tan nagmaliw iran aliwan matoor ed siak.”

Oseas 11:12

Say Katawan kuanto, “Saray totood Israel et niliktub da ak na saray tila tan palikdo, tan saray totood Juda et siansia nin onlalaban irad siak, say matoor tan masanton Dios.

Oseas 6:7

“Balet kaloob da ed dalin diad Adam, dineral da so impisipanan kod sikara.

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Oseas 7:13

“Pakaskasi la ra! Inkaindan da ak tan linmaban irad siak. Naderal ira. Labay ko ran ilaban, balet tila-tila so impangigalang dad siak.

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Mateo 10:33

Balet siopamay mangiborid siak ed arap na totoo, iborik met ed arap na Amak ed tawen.”

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Santiago 1:15

No manlokun so maoges a pilalek na laman, mananak na kasalanan. Tan no ombaleg so kasalanan, mambungay patey.

Santiago 3:6

Ontan met a say dila et singa apoy. Sakey a mundoy kaogsan, walay pasen tod laman tayo, tan mangikakayat na kaogsan ed intiron inkatoo tayo! Say apoy to nanlapud dilin impirno tan manangigapoy pool ed intiron bilay na too.

Josue 24:27

Inkuantod saray amin a totoo, “Sayan bato et tasi tayo. Nadngel to ray amin a sinalita na Katawan ed sikatayo. Kanyan sayan bato et tasi a sumpad sikayo, pian ag kayo onsumlang ed Dios.”