Isaias 59:10 - Maung A Balita Biblia

¹⁰ tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Maung a Balita Biblia

¹⁰ tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Isaias 59:10 Iomraidhean Croise

Say Libro nen Job 5:14

anggan diad kagkaagwan karapkarap irad kabilongetan.

Probirbio 4:19

Balet say dalan a pankukurangan da ray totoon maoges et ambilonget a singa labi. Natumba ra, ta ag da nanengneng so akapateran da.

Isaias 28:13

Lapud saya ibangat kayo na Katawan diad panamegley na tonggal litra, tonggal linya, tan tonggal liksion. Diad satan niparokul kayo diad balang ikupbang yo. Nasugat kayo, napatitan kayo, tan nadakep kayo.

Isaias 8:14

Lapud ontan lan kinasantok singa ak sakey a baton pakapatakbaan na saray totoo; singa ak patit a pakaerelan ed saray totoon kabyangan na saray nanarian na Juda tan Israel tan saray totood Jerusalem.

Isaias 8:15

Amayamay iray niparokul; natumba ra tan napoter ira. Naerel irad patit.”

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Saray Tagleey 3:6

Pinasoot to ak ya impanayam ed ambilonget a pasen tan singa ak abayag lan inatey.

Saray Tagleey 4:14

Singa bulag a nanakar-akar ed dalan iray pangulo to, naames iray dala, kanyan anggapoy malabay a maniwit ed sikara.

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Amos 8:9

Onsabiy panaon a paseleken ko so agew no kaagwan tan pabilongetan ko so mundo no agew. Siak, say Katawan a Dios, so nansalita.

Mikias 3:6

“Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.”

Juan 12:35

Inmebat si Jesus, “Maganggano lan nakaiba yo niy silew. Manakar kayo legan a kaiba yo niy silew, pian ag kayo naabotay bilonget. Ta ag amta na toon manaakar ed ambilonget so lalaen to.

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

Deuteronomio 28:29

Anggan agew karapkarap kayo a singa toon bulag, et ag yo natonton so laen yo. Ag kayo onaligwas ed antokaman a gawaen yo. Napairap kayo tan natakewan kayo lawas, et anggapoy siopaman ya ontulong ed sikayo.

1 Juan 2:11

Balet siopamay mamobosul ed agi to, sikatoy wala ed kabilongetan; pankukurangan toy kabilongetan tan solingsoling, ta binulag na kabilongetan.