Isaias 58:8 - Maung A Balita Biblia

⁸ “Diad satan say panangasik onwandag ed sikayo a singa ibutay na agew ed kabwasan tan onabig a tampol iray sugat yo. Wala ak lawas ed dikingan yo a mangilaban ed sikayo; say kiwawalak et iyagel to kayo ed anggan iner a pasen.

Maung a Balita Biblia

⁸ Diad satan say panangasik onwandag ed sikayo a singa ibutay na agew ed kabwasan tan onabig a tampol iray sugat yo. Wala ak lawas ed dikingan yo a mangilaban ed sikayo; say kiwawalak et iyagel to kayo ed anggan iner a pasen.

Isaias 58:8 Iomraidhean Croise

Say Libro nen Job 11:17

Onliwawa met lad satan a singa agew ed kaagwan so bilay mo, singa liwawad kabwasan so pagmaliwan na bilonget na bilay mo.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Saray Salmo 37:6

say inkatonung mo pasinagen ton singa agew ed kaagwan.

Saray Salmo 85:13

Manonaan ya onlad arap na Katawan so inkatonung, tan iparaan toy dalanen na Katawan.

Saray Salmo 97:11

Onsisinag so silew ed saray totoon matonung, ta onsisinag so gayaga ed saray maung a totoo.

Exodo 14:19

Say anghil na Dios a gendat a manaayam ed bandad arap na saray sondalo na Israel et inmalis a nanayam ed bandad beneg da. Samay lusek a lorem et inmalis met

Probirbio 11:17

Say toon mapangasi iitdan toy kaabigan so sikaton dili, balet say toon maruksa papasakitan toy sikaton dili.

Probirbio 11:25

Onaligwas so toon mabonluk a mangiter. Say toon matulong makaawat na tulong.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Isaias 26:2

Lokasan iray puirta na siudad tan palooben so matoor a bansa, say bansa a matonung so gagawaen da ray totoo to.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Isaias 33:24

Anggapoy too a manayam ed dalin tayo a manriklamod sakit; napirdona ya amin so kasalanan.

Isaias 52:12

Ag kayo natan nepeg ya ontaynan a magangganat; ag yo ipapasen ya onlilimot kayon ontaynan. Say Katawan a Dios yo so mangiwanwan ed sikayo tan mangyagel ed sikayod amin a dapag.

Isaias 57:18

“Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Isaias 60:1

Bangon ka, Jerusalem, tan sinag kan singa agew; Onsisinag ed sikay kagalangan na Katawan!

Isaias 60:2

Nakobutan na bilonget iray arum a bansa, Balet onsinag ed sika so silew na Katawan; Mansiansiad sikay liwawa na kiwawala to.

Isaias 62:1

Mansalita ak a pamabiskeg kod linawa na Jerusalem; Ag ak mampainawa ya anggad sikatoy nilaban, Tan onsinag a singa baleg a silew ed labi so pananalo to.

Jeremias 30:17

Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, ‘Nibantak so Sion; anggapoy malabay ed sikato.’ Siak, say Katawan, so nansalita.”

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

Saray Gawgawa 10:31

tan inkuanto, ‘Cornelio, dinengel na Dios so panagpikasim tan binirbir toy panagtulong mod kaparam a too.

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Saray Gawgawa 10:4

Ninengneng ton maung imay anghil tan agaylay takot ton inmebat, “Antoman?” Inmebat imay anghil, “Binirbir na Dios so panagpikasim tan panagtulong mod kaparam a too, tan anunotan to ka.