Isaias 58:7 - Maung A Balita Biblia

⁷ Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Maung a Balita Biblia

⁷ Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Isaias 58:7 Iomraidhean Croise

Genesis 19:14

Linmay Lot ed saramay lalakin mangasawad saray anak to, tan inkuanto, “Ganatan yoy onekal dia; deralen na Katawan yan lugar.” Balet abaloan dan manlulurey si Lot.

Genesis 19:2

tan inkuanto, “Wadya ak a manlingkur ed sikayo. Tuloy kayod abung ko. Diman ki la manoras na sali yo tan onogip. Diad kabwasan, nayarian yoy ombangon a masakbay, insan ki la onsiput.” Balet inmebat ira, “Andi, dia lad plasay ogipan mi.”

2 Saray Awaran 28:15

Atoro ira may apatiran pangulo a mangala na saray kawes ed saramay bengatlan asamsam, insan da iter ed saramay priso. Initdan da ra may priso na isolung dan kawes tan sandalya; initdan da met ira na dugan kanen tan inomen da, tan tinatambal da na larak na oliba iray sugasugat da. Inlologan dad asno iray ag makaakar lapud kapoy da, insan saray amin a priso et inyaakar da rad Jerico, say siudad na saray kiew a palmira tan sakop na Juda. Insan pinmawil lad Samaria ira may Israelita.

Nehemias 5:5

Nampaparay dala mi, sikami tan saray kapara min Judio. Anggapoy pidomaan na saray anak mi ed saray anak da. Balet akin et nakaukolan a gawaen min aripen iray anak mi? Nilako lan aripen iray arum ya anak min bibii. Pangaskasiyan kami, lapud nala la ray kaalogan tan kaubasan mi.”

Say Libro nen Job 22:7

Ag mo initdan na inomen iray naksawan, tan ag mo initdan na nakan iray narasan.

Saray Salmo 112:9

Maiter ed saray mairap-bilay, tan ag manganggay panangasi to; magmaliw a makapanyari tan galangey totoo.

Probirbio 11:17

Say toon mapangasi iitdan toy kaabigan so sikaton dili, balet say toon maruksa papasakitan toy sikaton dili.

Probirbio 22:9

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Probirbio 24:11

Ag ka ontatalaw a mangyagel ed toon anggapoy kasalanan ya iyakar da lan pateyen.

Probirbio 25:21

No narasan so kabosul mo itdan moy naakan to; no napgaan itdan moy nainom to.

Probirbio 28:27

Mangiter kad saray mairap-bilay et ag ka lan balut naandian na nakaukolan. No ikopit moy matam ed saray mairap-bilay, amayamay so mangisambad sika.

Isaias 58:10

no itdan yoy nakan iray narasan tan iter yoy nakaukolan da ray walad pankaukolan, magmaliw a singa liwawad kaagwan so bilonget ed liber-liber yo.

Jeremias 22:3

“Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Ezekiel 18:16

odino papairapen iray arum a totoo odino tatakewan so siopaman. Ipapawil toy impotika na akautang ed sikato. Iitdan toy nakan iray narasan tan kawes iray anggapoy nipales.

Ezekiel 18:7

Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.

Daniel 4:27

Kanyan, Kagalang ya Ari, tombuk mo pay simbawak. Tondaan mo lay mankasalanan, manggawa ka lay katonungan, tan kasian mo ray mairap-bilay. Diad satan mansiansia kan onaligwas.”

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Lucas 19:8

Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Lucas 3:11

Inmebat, “Say duaray kawes to nepeg ton iter so sakey ed anggapoy kawes to. Ontan met a say walay kanen to nepeg toy mangiter.”

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

Saray Gawgawa 16:34

Insan to ra intagar ed abung to tan pinakan to ra. Agaylay liket to tan say intiron pamilya to, ta manisia la ra natan ed Dios.

Saray Taga Roma 12:13

Tulongan yo ray agagi yon walad pankaukolan, patuloy yo ray sangkaili.

Deuteronomio 22:1

“No nanengneng yoy nablus a baka odino karniro na kapara yon Israelita, ag yo papaolyan; erel yo tan ipawil yod sikato.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

Filemon 1:7

Pinablin agi, aliketan tan aligliwa ak a maung lapud panangarom, ta apabiskeg moy linawa na amin da ray totooy Dios.

Saray Huis 9:2

a tepeten dad saray totood Sikem, “Antoy labay yo? Say panoley ed sikayo na saray pitomplon lalakin anak nen Gedeon odino say panoley na sakey labat a too? Nepeg yon nunoten a kadalaan yoy Abimelec.”