Isaias 58:5 - Maung A Balita Biblia

⁵ No manaayuno kayo, papairapen yoy sikayon dili; itetewek yon singa dika so olo yo tan mangyaaplag kayoy sako tan tatayakan yoy dapul so dokulan yo. Ontan so tatawagen yon panagayuno? Abaloan yon manliket ak ed satan?

Maung a Balita Biblia

⁵ No manaayuno kayo, papairapen yoy sikayon dili; itetewek yon singa dika so olo yo tan mangyaaplag kayoy sako tan tatayakan yoy dapul so dokulan yo. Ontan so tatawagen yon panagayuno? Abaloan yon manliket ak ed satan?

Isaias 58:5 Iomraidhean Croise

2 Saray Arari 6:30

Kadngel na arid saya, pinilat toy kawes to diad inkagunigon to, tan naimano na saray totoon walad abay na padir ya akasolung na sako diad dalem na kawes to.

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

Esdras 10:6

Manlapu ed arap na Timplo, linmay Esdras ed kuarton panaayaman nen Johanan a lakin anak nen Eliasib. Sanlabid man a nanermen lapud aliwan matoor ira may pinmawil manlapud inkibantakan dan bansa. Ag angan o inminom na antokaman.

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Ester 4:3

Walay panogaog tan ermen ed saray Judio diad amin a luyag a pangibawagan na samay ganggan na ari. Nanayuno ra, nanakis ira, nanogaog ira, tan karaklan ed sikara so nankakawes na sako tan dinmodokul ed dapul.

Say Libro nen Job 2:8

Linmad abay na bantakay dotak, inmirung tan angalay langa ya impankakarkar tod saray giri to.

Saray Salmo 69:13

Balet siak, mampikasi ak ed sika, O Katawan; ebatan mo ak pa, O Dios, ed labalabay mon panaon. Ebatan mo ak pa, lapud balbaleg a panangarom, lapud matoor kad sipan mo a mangilaban.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Isaias 61:2

Imbaki to ak a mangibawag A say panaon sinmabi la A say Katawan ilaban to ray totoo to Tan taloen to ray kalaban to. Imbaki to ak a manligliwad amin a maermen,

Levitico 16:29

Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

Levitico 16:31

Sayan agew et masanton tuloy, kanyan saray totoo et nepeg a manayuno ra tan ag ira mankimey. Sarayan totontonen et nepeg a tombuken ira ya anggan kapigan man a panaon.

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Mateo 6:16

“No manayuno kayo, ag yo aaligen iray mansimpisimpitan a totoo. Liberliber iran nengneng day maermen tan narasan, pian naamtaay totoon manaayuno ra. Tandaan yo ya! Naawat da lay tumang da.

Lucas 4:19

tan mangipakabat na manepeg a taon a pangilabay Katawan.”

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.