Isaias 58:3 - Maung A Balita Biblia

³ Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Maung a Balita Biblia

³ Tepet na saray totoo, Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan. Say Katawan kuantod sikara, Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Isaias 58:3 Iomraidhean Croise

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Nehemias 5:7

Ginetmak so manggaway polaing a pamatondad sayan kagagawa. Tinetel ko ray pangulo tan saray opisyal na baley. Inkuankod sikara, “Papairapen yo ray agagi yo!” Imbagak a mantitipon iray totoon pian naasikasoy riklamo ra.

Say Libro nen Job 34:9

Ibabaga to ya anggapon balut so naalan kaabigan diad pangonur na linaway Dios.

Saray Salmo 69:10

Mampapaabeba ak diad panamegley na panaayunok, et lapud saya, papabaingan ak na totoo.

Probirbio 28:9

No ag mo oonuren so ganggan, kabosul na Dios a dengelen so pikakasim.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Levitico 16:29

Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

Levitico 16:31

Sayan agew et masanton tuloy, kanyan saray totoo et nepeg a manayuno ra tan ag ira mankimey. Sarayan totontonen et nepeg a tombuken ira ya anggan kapigan man a panaon.

Malakias 3:14

Inkuanyo, ‘Andi-kakanaan so manlingkur ed Dios. Antoy kana na panumpal na saray salita to odino say pangipanengneng tayod Katawan a Makapanyarin-amin a sikatayoy maermen lapud saray ginagawa tayo?

Saray Bilang 23:4

et inabet diman na Dios. Inkuanen Balaam ed Dios, “Amaalagey ak na pitoran altar tan angibagat ak na sakey a bakan kalakyan tan sakey a karniron kalakyan ed kapag altar.”

Lucas 15:29

Balet inkuantod kinen ama to, ‘Nanlingkur ak a singa aripen ed sikayon piga-pigay taon. Anggapo niy ganggan yon sinumlang ko. Antoy inter yod siak? Anggapoy anggan kanding a panliliketan mi ray kakaarok!