Isaias 58:11 - Maung A Balita Biblia

¹¹ Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Maung a Balita Biblia

¹¹ Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Isaias 58:11 Iomraidhean Croise

Say Libro nen Job 5:20

no panaoy eras pansiansiaen to kan mabilay, tan no panaoy bakal ipaliis to kad patey.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Saray Salmo 107:9

Pepeneken to ray nanaapgaan, tan pepeselen to ra na maung a bengatla iray nanaerasan.

Saray Salmo 25:9

Itotonton to ray mapaabeba ed maptek a dalan, tan ibabangat tod sikaray linawa to.

Saray Salmo 32:8

Kuay Katawan, “Iwanwan ta kad dalan a nepeg mon tombuken; ibangat tan simbawaan ta ka.

Saray Salmo 33:19

Ilalaban to rad patey, pambibilayen to ra no panaoy eras.

Saray Salmo 37:19

Ag ira manirap no makapoy so panaon; ag ira naandiay nakan no panaoy eras.

Saray Salmo 48:14

“Sayan Dios et Dios tayo ya anggad angga; iwanwan to itayo ed amin a panaon ya arapen.”

Saray Salmo 73:24

Iwawanwan ak na pananimbawam et diad kaonuran, mapagalang ya awaten mo ak.

Saray Salmo 84:7

Diad panaakar da lalon ombibiskeg ira; nanengneng dad Sion so Dios da ray diriyos!

Saray Salmo 92:14

mambubunga ni ra, anggan matakken la ra; lawas mabisbiskeg tan mabona-bona ra.

Probirbio 11:25

Onaligwas so toon mabonluk a mangiter. Say toon matulong makaawat na tulong.

Probirbio 13:4

Say toon mangiras ag to nagamuray pampipilalekan to, balet say makoli nagamuran toy amin a labay to.

Probirbio 28:25

Golo labat so igagapo na inkasiblet. Magmaung niy kipapasen mo no manmatalek kad Katawan.

Probirbio 3:8

No onyay gawaen mo, tambalen to ray sugat mo tan paninawaen to kad liliknaen mo.

Kanta nen Solomon 4:15

Sobul so manasalog na samay tanamanan, say sobul na managagos a danum, on, say sobul a managagos a manlalapud Kapalandeyan na Libano.

Isaias 27:3

“Babantayan koy kaubasan ko tan sasalogen ko lawas. Guaguardiaan ko ed agew tan labi, pian anggapoy manderal ed sikato.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Isaias 41:17

“No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Isaias 44:4

Ontubo ran singa dikan malambut lawas ed kasasalug to, singa ra kiew a sausi ed gilig na managagos a danum.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 57:18

“Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Isaias 61:11

Anggapoy duaruwa ya ombasik tan ontubo iray bokel a nisibwag ed dalin, Ontan met ya anggapoy duaruwan ilaban na Katawan a Dios iray totoo to, Tan idayew na amin da ray bansa.

Isaias 66:14

Manggayaga kayo naani no nanengneng yo yan nagawa; pabiskegen to kayo tan paabigen toy laman yo. Naamtaan yod satan a siak, say Katawan, tutulongan ko ray mangoonur ed siak, tan idapok so pasnuk kod saray kalaban ko.”

Jeremias 17:8

Sikatoy singa kiew a nitanem ed abay na kolus tan ipapasabi tod danum iray lamut to. Ag antakot no onsabiy tiagew, ta mansiansian birdi ray bolung to; anggapoy pagpaga to no ag onoran; ag ontonda a mambunga.

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Ezekiel 36:35

Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.

Oseas 13:5

Tinalima ta kayo nen wala kayod kalawakan ya anggapoy danum.

Juan 16:13

No onsabiy Ispiritu na katwaan, iwanwan to kayon mangamta ed amin a katwaan, ta ag mansalitan manlapud sikaton dili. Ingen, salitaen tod sikayoy nadngel to tan ibaga to ray bengatlan onsabi.

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Juan 7:38

Onung na ibabagay Masanton Sulat, ‘Siopamay manisiad siak, onagos a manlapud puso to ray sobul na danum a mangiter na bilay.’”

Deuteronomio 15:4

“Say Katawan a Dios yo et bindisionan to kayo ed dalin ya iiter tod sikayo. Anggapoy anggan sakey a too yo so magmaliw a mairap so bilay to

1 TESALONICA 3:11

Iyabuloy komuy Dios tan Ama tayo tan say Katawan tin Jesus, a makaonla kamid tan.