Isaias 58:1 - Maung A Balita Biblia

¹ Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Maung a Balita Biblia

¹ Say Katawan kuanto, Eyag kayod anggaay nayarian yo! Ibaga yod saray totook ya Israelita iray kasalanan da!

Isaias 58:1 Iomraidhean Croise

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 40:6

Sakey a bosis so mankelyaw, “Ibawag moy balita!” “Antoy balitan ibawag ko?” tepet ko. “Ibawag mo ya amin a katoowan et singa ra dika; ag ira mansiansian singa saray rosas ed uma.

Isaias 43:27

Say sankaonaan a lakim et nankasalanan; nankasalanan ed siak iray pangulom,

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 56:10

Kuanto, “Amin da ray pangulo a kanepegan day mamasakbay komun ed saray totook et bulag ira! Anggapoy amta ra. Singa ra bantay ya aso ya ag makadangul—mandokdokul ira labat a mankogkogip. Agaylay panlabay dan onogip!

Isaias 57:12

Abaloan yo a maung so gagawaen yo, balet iparontal koy kagagawa yo, et ag kayo natulongan na saray talintao yo.

Isaias 59:12

“Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Jeremias 36:9

Nen kumasiam a bulan na kumaliman taon na panaarid Juda nen Joakim, nanayuno iray totoo pian naala ray maung a linaway Katawan. Akibiang ed sayan ayuno iray amin a manaayam ed Jerusalem tan amin da ray linmad man a nanlapud saray baley na Juda.

Jeremias 6:17

Anoro so Katawan na saray totoon managbantay a mandengel ed pasakbay na tanul na trumpita. Balet inkuanda, “Ag kami ondengel.”

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Ezekiel 11:4

Natan, sika a toon ompatey, mampropisiya ka sumpad sikara.”

Ezekiel 16:2

“Sika a toon ompatey,” kuanto, “ipaamtam ed Jerusalem iray makapaingungot a ginagawa to.

Ezekiel 20:4

“Sika a toon ompatey, akaparaan ka la a manintinsia ed sikara? Sintinsiaan mo la ra sirin. Ipanunot mod sikaray makapaingungot a ginagawa na saray lalaki ra.

Ezekiel 22:2

Inkuanto, “Sika a toon ompatey, akaparaan ka lan manintinsia ed siudad a napno na saray managpatey na totoo? Ipalinew mon ibawag ed sikato iray makapaingungot a ginagawa to.

Ezekiel 23:36

Say Katawan kuantod siak, “Sika a toon ompatey, akaparaan ka lan manintinsia ed kinen Ahola tan si Aholiba? Akusam irad saray makapaingungot a ginagawa ra.

Ezekiel 33:3

No nanengneng ton ondadago ray kalaban, paknulen toy trumpita a pamasakbay tod balang sakey a too.

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Jonas 1:2

Inkuanto, “Lakad Ninive, say baleg a siudad, ta mansalita ka sumpad saman a siudad; amtak so ontan lan kaogsan na saray totood man.”

Tito 2:15

Ibangat mo ra ya, tan ikanam so intiron pakaoley mo no manimbawa tan mamasnuk ka. Ag mo aabuloyan a lemlemewan kay siopaman.

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Puyan 4:1

Kasumpal to ya, walay sananey a naimatunan kon payawar: anengneng kod tawen so sakey a puirtan lokas. Insan ko lamet nadngel imay bosis a singa tanul na sakey a trumpita ya inkuanto, “Segep ka dia, ta ipanengneng kod sikay nakaukolan ya onsoblay a nagawa.”