Isaias 57:5 - Maung A Balita Biblia

⁵ Igagalang yo ray diriyos na inkabona diad panaakdulan yod silong na saray masanton kiew yo. Ibabagat yo ray anak yo diad saray ongib na ankakabaleg a bato diad gilig na saray kolus.

Maung a Balita Biblia

⁵ Igagalang yo ray diriyos na inkabona diad panaakdulan yod silong na saray masanton kiew yo. Ibabagat yo ray anak yo diad saray ongib na ankakabaleg a bato diad gilig na saray kolus.

Isaias 57:5 Iomraidhean Croise

1 Saray Arari 14:23

Nanggagawa ra na saray pasen a pangigalangan ed saray tila-tilan diriyos, saray baton lusek, tan saray talintao nen diosan Asera diad toktok na saray pokdul tan diad silong na saray masalumpapak a kiew.

2 Saray Arari 17:10

Diad amin a toktok na pokdul tan diad silong na balang masalumpapak a kiew, angyan ira na saray lusek a bato tan saray talintao nen diosan Asera.

2 Saray Arari 17:7

Ataloy Samaria, ta nankasalanan iray Israelita ed Katawan a Dios da ya angyagel ed sikarad ari na Egipto tan angipaway ed sikarad Egipto. Angigalang irad saray arum a diriyos,

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

2 Saray Awaran 28:3

nampopool na insinso ed Patar na Hinom; tan insaklang ton bagat a popoolan ed saray talintaoy diriyos so anggan saray dilin anak ton lalaki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

Exodo 32:6

Diad kabkabwasan angyakar ira na pigaran ayep ya isaklang dan bagat a popoolan tan bagat a para kareenan. Nandorongon nampista iray totoo, tan say pista et agawa ya inoman tan liketan na laman.

Isaias 1:29

Ombaing kayo lapud impangigagalang yod saray kiew tan lapud impanggawa yo ray masanton tanamanan.

Jeremias 17:2

Saray totoom et mangigagalang ira diad saray altar tan saray tanda a nipaalagey para si diosan Ashera diad abay na masalumpapak a kiew, diad toktok na saray pokdul,

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

Jeremias 50:38

Paandi yo so danum ed dalin to; paekatan iray ilog to. Say Babilonia et kawalaan da ray makapataktakot a talintaoy diriyos a ginagawa ran makulang-kulang iray totoo.

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Jeremias 7:31

Diad Patar na Hinnom nanggawa ray altar a tatawagey Tofet, a diay nampopoolan dad saray imbabagat dan anak da. Ag ko ingganggan a gawaen da ya odino sinmebang ed kanunotan koy onya.

Ezekiel 16:20

“Insan mo ra inaalay anak mon lalaki tan bibii ya inaanak mo rad siak, insan mo ra imbabagat ed saray talintaoy diriyos. Ag ka ta ni apera ed pagmamaliw mon aliwan matoor ed siak,

Ezekiel 20:26

Inabuloyan ko ran nadotakan day sikaran dili diad panamegley na saray bagat da, tan inabuloyan ko ran mangibagat na saray pangulowan ya anak dan lalaki. Ginawak ya a panusad sikara tan diad ontan et naamtaan da a siak so Katawan.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 20:31

Anggad natan ibabagat yo ray namparan rigalo tan dodotakan yoy sikayon dili diad panamegley na pampopool yod saray anak yo, ya ibabagat yo rad saray talintaoy diriyos yo. Insan sikayo ran Israelita et ondadago kayod siak a manepet no antoy linawak! Legan a siak so mabilay a Katawan a Dios, ag ta kayo abuloyan a manepet ed siak na antokaman.

Ezekiel 6:13

Saray bangkay et nataytayak irad saray kawalaan da ray talintaoy diriyos tan diad kaliber-liber na saray altar, nataytayak irad balang pokdul, diad toktok na balang palandey, diad silong na balang masalumpapak a kiew tan balang ankabaleg a kiew a robli, tan diad balang pasen a pampopoolan dad saray ayayep a bagat ed saray talintao ra. Diad satan naamtaan dan amin a siak so Katawan.

Levitico 18:21

Ag mo aabuloyan a saray anak mo et nikana ra ed pangigalang ed diyos-diyos a Moloc, ta mangipelag ya ed kababaingan na ngaran na Dios.

Saray Bilang 25:6

Aminsan walay sakey ya Israelitan angawit ed dalem na tulda to na sakey a biin Madianita, legan a sankanengneng nen Moises tan amin ya Israelita a wala rad lolooban na Tuldan Ayamay Katawan ta maneermen ira.

Deuteronomio 12:2

Diad dalin a kayaryanen yo, deral yo ray amin a pasen a pangigagalangan na saray totoo ed saray diriyos da diad saray atagey a palandey, diad saray pokdul, tan diad silong na saray malambut a kiew.

Puyan 18:3

Ta inminom iray amin a katoowan na alak na inmoralidad to. Akikaloguran ed sikato ray arari na dalin, tan minmayaman iray nigosianti lapud ag naperan panagkasalanan to.”