Isaias 57:18 - Maung A Balita Biblia

¹⁸ “Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Maung a Balita Biblia

¹⁸ Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Isaias 57:18 Iomraidhean Croise

Saray Salmo 23:2

Pampapainawaen to ak ed saray malambut a dika, tan iyaakar to ak ed mareen a danum.

Saray Salmo 51:12

Ipawil mo pad siak so gayagay panangilaban mo, tan gawam pan mabolus so linawak ya ontoluk ed sika.

Saray Salmo 94:19

No mapagpaga tan nagugunigon ak, liligligwaen tan pagagayagaen mo ak.

Ecclesiastes 9:4

Balet walay ilalo na toon wadya nid tapew na dalin; maung niy mabilay ya aso nen say inatey a lion.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 19:22

Dusaen na Katawan iray Egipsio, insan to ra balet paabigen. Ompawil irad sikato, dengelen to ray pikakasi ra tan paabigen to ra.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Isaias 52:12

Ag kayo natan nepeg ya ontaynan a magangganat; ag yo ipapasen ya onlilimot kayon ontaynan. Say Katawan a Dios yo so mangiwanwan ed sikayo tan mangyagel ed sikayod amin a dapag.

Isaias 53:5

Balet asugat-sugat lapud saray kasalanan tayo, apekpekpek lapud saray kaogsan a ginagawa tayo. Apaabig itayo lapud dusan nilikna to; lapud saray siplat a dinmadapod laman to pinmawil so gendat a biskeg tayo.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Jeremias 30:17

Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, ‘Nibantak so Sion; anggapoy malabay ed sikato.’ Siak, say Katawan, so nansalita.”

Jeremias 31:3

pinmatnag ak ed sikara manlapud arawi. Totood Israel, inaro ta kayo lawas, kanyan intuloy kon impatnag ed sikayo so ag mangoman a panangarok.

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Zacarias 1:13

Makaligliwa tan makapaliket so inebat na Katawan ed samay anghil.

Lucas 15:20

Inmalagey sirin, ta onla lan ompawil ed kinen ama to. “Arawi nid abung nen anengneng nen ama to. Atenyeg so puso nen ama to, kanyan inabet ton mambabtik, nilakap toy anak to, tan inanguban to.

Saray Taga Roma 5:20

Nen niiter so Ganggan, lalon dinmakel so panaggaway kaogsan. Balet nen dinmakel so kasalanan, lalon binmaleg so panangaroy Dios.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”