Isaias 57:16 - Maung A Balita Biblia

¹⁶ Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Maung a Balita Biblia

¹⁶ Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Isaias 57:16 Iomraidhean Croise

Genesis 6:3

Insan inkuan na Katawan, “Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.”

2 Samuel 24:16

Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, “Tondaan mo la! Duga la tan!” Samay anghil et walad abay na panagilikan nen Arauna a Jebuseo.

Say Libro nen Job 12:10

Say Dios so mangiwawanwan ed bilay na saray pinalsa to; walad lima to so bilay na balang too.

Saray Salmo 85:5

Andi-anggaan so pasnuk mod sikami? Ag la ontonday petang na olom ed amin a kailalakan?

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Jeremias 10:24

Petek mo kami pa ran totoom, O Katawan; balet ag mo lalabasen. Ag mo kami pa pepeteken no mamapasnuk ka, ompan samput mi la.

Jeremias 3:5

Ag ka mamasnuk lawas; aliwan ando lan ando so petang na olom.’ Israel, sikato tan so inkuanmo, balet nanggagawa kay kaogsan ed anggaay nayarian mo.”

Jeremias 38:16

Kanyan diad maamut insipan nen Ari Sedekias ed siak, “Sambaan kod mabilay a Katawan a mangiiter ed sikatayoy bilay, ya ag ta ka papatey odino ipalimad saray totoon malabay a mamatey ed sika.”

Ezekiel 18:4

Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Amos 1:11

Say Katawan kuanto, “Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Saray Hebreo 12:9

Dinudusa itayo na saray mangaraldalin ya ama tayo tan, lapud saya, inggalang ti ra. Lalo la sirin a nepeg tayoy ontoluk ed maispiritun Ama tayo, pian mambilay itayo!