Isaias 55:8 - Maung A Balita Biblia

⁸ Say Katawan kuanto, “Saray kanunotan ko et aliwan singa saray kanunotan yo, tan saray kagagawak et aliwan singa saray kagagawa yo.

Maung a Balita Biblia

⁸ Say Katawan kuanto, Saray kanunotan ko et aliwan singa saray kanunotan yo, tan saray kagagawak et aliwan singa saray kagagawa yo.

Isaias 55:8 Iomraidhean Croise

2 Samuel 7:19

Balet natan, lalon dakel so gagawaen mo, Katawan a Dios; nansipan kay nipaakar ed saray kabyangay pamilyak diad arapen a panaon. Inyabuloy mon naamtaan ya na too, Katawan a Dios!

2 Saray Arari 5:11

Balet mamapasnuk a tinmaynan si Naaman tan kuantod sikaton dili, “Abaloan kon pawayan to ak, mampikasid Katawan a Dios to, ipetek-petek tod akating a partiy laman ko so lima to, tan paabigen to ak!

Say Libro nen Job 35:5

Tangay moy tawen! Nengneng mo so ontan lan kaatagey na saray lorem!

Saray Salmo 25:10

Katekep na aro tan katooran so pangiwawanwan tod saray manusumpal na impisipanan to tan saray ganggan to.

Saray Salmo 33:11

Balet mansiansian anggad angga iray plano na Katawan; ando lan andon mansiansia iray getma to.

Saray Salmo 40:5

Katawan a Dios mi, amayamay iray ginagawam a para sikami; anggapoy miparad sika! Amayamay iray makapakelaw a planom a para sikami. Ag kon balut nibitla ran amin— dakerakel iran tuloy!

Saray Salmo 92:5

Matalonggaring a tuloy iray gawgawam, Katawan! Agaylay kaaralem na saray nunot mo!

Probirbio 21:8

Pikewet so kabibilay na toon managkasalanan, balet maptek so kabibilay na toon matonung.

Probirbio 25:3

Ag mon balut naamtaan iray nununoten na ari; singa ra kaatagey na tawen odino singa ra kaaralem na dayat.

Isaias 14:24

Say Katawan a Makapanyarin-amin sinambaan to: “Nasumpal so antokaman ya implanok. Nagawa so antokaman a ginetmak a gawaen.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Isaias 66:18

Amtak iray kanunotan tan saray gawgawa ra. Onsabi ak a manipon ed saray totood amin a bansa. No mantitipon ira, nanengneng da no antoy nagawaan na pakayarik

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Ezekiel 18:29

Ingen sikayo ran Israelita kuanyo, ‘Aliwan maptek so gagawaen na Katawan a Dios!’ Abaloan yo, aliwan maptek so gagawaen ko? Saray gagawaen yo ingen so aliwan maptek.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”