Isaias 55:1 - Maung A Balita Biblia

¹ Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Maung a Balita Biblia

¹ Say Katawan kuanto, Dago kayo, amin yon napgaanniay danum! Dago kayo, sikayon anggapoy kuarta manaliw kayoy trigo tan mangan kayo! Dago kayo! Manaliw kayoy alak tan gatas anggapoy nepeg yon bayaran!

Isaias 55:1 Iomraidhean Croise

Saray Salmo 143:6

Itatagey ko ray limak a mampikasid sika; singa amagan dalin a napgaan ed sika so kamarerwak.

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Probirbio 8:4

“Onaapireng ak ed sikayon katoowan; tatawagen koy balang too ed sankamundoan.

Probirbio 9:1

Say kakabatan amaalagey na abung to tan nanggawa na pitoran lusek to.

Probirbio 9:5

“Gala dia, mangan kad kakanen ya imparaan ko tan inom kad alak a tinimplak.

Kanta nen Solomon 1:2

Siak komun so angub-anguban mo na bibil mo; masamit nen say alak so panangarom.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 1:19

No onuren yo ak, kanen yo ray maabig a bengatlan bungay dalin.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 52:3

Say Katawan a Dios kuantod saray totoo to, “Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.

Saray Tagleey 5:4

Nakaukolan a bayaran miy danum ya iinomen mi; nakaukolan a saliwen mi ray itotongo mi.

Ezekiel 47:1

Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.

Ezekiel 47:9

Inermay agosan na danum walan amin iray klasiy ayayep tan sira-sira. Say kolus pagmaliwen ton matabang a danum so maasin a danum na Inatey a Dayat, tan itdan to na bilay so dinan man a pasen ya agosan to.

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.

Zacarias 9:15

Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Mateo 10:8

Paabig yo ray mansasakit tan pabilay yo ray inaatey. Paabig yo met iray akating tan paekal yo ray dimonyo. Angawat kayon anggapoy bayar, kanyan mangiter kayo met ya anggapoy bayar.

Mateo 13:44

“Say Panariay tawen aliling toy kayamanan a nikotkot ed alog. Nalmoy sakey a too, balet tinabunan to ni. Diad liket to, inlako ton amin iray kayaryan to, insan pinawil tan sinaliw to may alog.”

Mateo 26:29

Kuankod sikayo ya ag ko lan balut oninom na sayan tabul na ubas ya anggad agew na iyinom koy balon tabul na ubas ed Panarian na Amak a kaiba ta kayo.”

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Saray Gawgawa 8:20

Balet inmebat si Pedro, “Naderal ka komun tan say kuartam, ta abaloan mon nasaliw na kuarta so panangaroy Dios!

Saray Taga Roma 3:24

Balet lapud panangasi na Dios, pinaandi to ray kasalanan dan amin diad panamegley nen Cristo Jesus ya anondon ed sikara.

1 CORINTO 3:2

Pinainom ta kayoy gatas, ta ag yo nayariay mangan na anawet. Diad tuay tua, anggad natan ag yo ni nayarian,

1 Pedro 2:2

Singa saray mansususon ogogaw, pampilalekan yon inomen so puron maispiritun gatas, pian diad paninom yo, ombaleg kayod pananisia ya anggad pakagamur yoy nagnap a kilalaban.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.

Ruth 4:1

Linmay Booz ed pasen a pandadagupay karaklan diad puirtay siudad, tan inmirung diman. Kabebekta, sinmabi may lakin asalita nen Booz ed kinen Ruth, a sikatoy sankaasinggeran a kanayon nen Elimelec. Tinawag nen Booz, “Gala dia, kaaro, ta yorung ka.” Dinmago tan inmirung.