Isaias 54:8 - Maung A Balita Biblia

⁸ Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika.” Saya sirin so ibabaga na Katawan a mangilalaban ed sika.

Maung a Balita Biblia

⁸ Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika. Saya sirin so ibabaga na Katawan a mangilalaban ed sika.

Isaias 54:8 Iomraidhean Croise

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Saray Salmo 103:4

Iyaagel to ak ed lobuk, tan ibibindision tod siak so panangaro tan panangasi.

Saray Salmo 13:1

Katawan, anggad angga so pangililingwan mod siak? Anggad kapigan ni so pangisasanib moy lupam ed siak?

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 26:20

Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Isaias 40:27

Totood Israel, akin et manririklamo kayo ya ibabaga yon ag amta na Katawan iray gunigon yo odino anggapoy walad sikato no nalalames kayo?

Isaias 45:15

Say Dios na Israel a mangilalaban ed saray totoo to et Dios ya iyaamut toy sikaton dili.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 54:10

Nayarin nakusbo ray kapalandeyan tan saray kapokdulan, balet ag manganggay panangarok ed sika; Ando lan andon sumpalen koy sipan kon mangiter na kareenan.” Saya sirin so ibabaga na Katawan a mangaarod sika.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 60:10

Say Katawan kuantod Jerusalem, “Pasimbaloen ya ipaalagey na saray sangkaili iray padir mo, Tan panlingkuran ka na saray arari ra. Diad gaway pasnuk ko dinusa ta ka, Balet natan abageyen tan kasian ta ka.

Isaias 63:7

Salitaen ko so ag mangoman a panangaro na Katawan; Idadayew ko lapud amin a ginagawa ton para sikatayo. Daakan so impamindision tod saray totood Israel lapud panangasi tan say ag mangoman a panangaro to.

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Jeremias 31:3

pinmatnag ak ed sikara manlapud arawi. Totood Israel, inaro ta kayo lawas, kanyan intuloy kon impatnag ed sikayo so ag mangoman a panangarok.

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Jeremias 51:5

Siak, say Katawan a Dios a Makapanyarin-amin, ag ko inkaindan so Israel tan Juda, anggaman a nankasalanan irad siak a Masanto na bansan Israel.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

1 Timoteo 1:16

balet sikato yay makasengeg a kinasian ak na Dios, pian nipanengneng nen Cristo Jesus so ontan lan anos tod siak a sankaogsan a makasalanan. Kanyan siak so oliran da ray manisiad sikato tan mangawat na bilay ya andi-anggaan.