Isaias 54:4 - Maung A Balita Biblia

⁴ Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Maung a Balita Biblia

⁴ Ag ka natatakotag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Isaias 54:4 Iomraidhean Croise

Say Libro nen Job 11:16

Nalingwanan mo lad satan iray gunigon mo, singa la delap a dinmalan tan sigput lan alingwanan.

Isaias 25:8

Deralen Katawan a Dios ed ando lan ando so patey! Ponasen toy lua ed kamataan na balang sakey a too tan ekalen to so kababaingan ya inkaplagan na saray totoo to diad intiron mundo. Say Katawan a dili so nansalita.

Isaias 29:22

Kanyan natan say Katawan a Dios na Israel, ya angyagel ed kinen Abraham nen walad gunigon, kuanto, “Sikayo ran totook, ag kayo la napelag ed kababainngan, ag kayo la mampabalangay lupa.

Isaias 4:1

No onsabiy tan a panaon, singkaten na pitoran bibii so sakey a laki tan ikuanda, “Nayarian min pakanen tan kawesan so sikamin dili, balet ipangasim ya ibagam a sikay asawa mi, pian naekal ed sikamiy kababaingan na anggapoy asawa.”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 50:7

Balet ag ak nasakitan na saray panamabaing da lapud tutulongan ak na Katawan a Dios. Pinakapal koy lupak pian nitepel ko ra. Amtak ya ag ak napelag ed kababaingan,

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Isaias 61:7

Angangga lay kababaingan tan say inkaandian yoy kagalangan. Manayam kayod dilin dalin yo. Tan nadoblian so kayamanan yo; Mansiansiad ando lan ando so liket yo.

Isaias 65:16

Siopamay toon manaayam ed dalin ya onkerew na bindision kerewen ton bindisionan na matoor a Dios. Siopamay mansamba mansamba ed ngaran na matoor a Dios. Naandi tan nalingwanan iray gunigon ed imbeneg a panaon.”

Jeremias 31:19

Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.’

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Ezekiel 16:22

Diad samay panaon a makapabaing so pambibilay mo a sakey a marotak a bii, ag mon balut anunotan so impanogaw mo—nen lakseb-labus ka a pigar-pigar kad dilin dalam.”

Ezekiel 16:43

Alingwanan moy impangasikasok ed sika nen ogaw ka ni, tan impanpasnuk mo ak lapud saray amin a ginagawam. Lapud saya siningil ta kad sarayan amin. Akin et inyarum moy marotak ya impipiakdul mod arum ed saray ginagawam a makapaingungot a bengatla?” Say Katawan a Dios so nansalita.

Ezekiel 36:15

Say dalin ag to la nepeg a dengelen iray bansan manluludlurey ed sikato odino onnengneng ed saray totoon mamapabaing ed sikato. Say dalin ag to la takewen iray anak to. Siak a Katawan a Dios so nansalita.”

Joel 2:21

“Kaalogan, ag kayo natatakot; ingen, manliket tan manggayaga kayo, lapud saray amin a ginagawa na Katawan ed sikayo.

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

1 Pedro 2:6

Ta ibabagay Masanton Sulat, “Pinilik so sakey a mablin bato, ya ililirak a pundasion ed Sion; tan ag nabaingan so siopaman a manisiad sikato.”