Isaias 53:12 - Maung A Balita Biblia

¹² Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

Maung a Balita Biblia

¹² Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.

Isaias 53:12 Iomraidhean Croise

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.”

Say Libro nen Job 30:16

Natan ngalngali ak la ompatey; ag ak nanainawaan ed liliknaen kon kairapan.

Saray Salmo 2:8

Kerew ka, et iter kod sikan amin iray bansa; nakayaryan moy intiron mundo.

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Exodo 15:9

Say kalaban kuanto, ‘Osilan ko ra tan erelen ko ra; apagen koy kayamanan da tan alaen koy amin a labay ko; baguten koy ispadak tan alaen koy amin a kayaryan da.’

Isaias 49:4

Inkuanko, “Nankimey ak, et anggapoy kabaliksan so impansagput ko! Inoput koy amin a biskeg ko, balet anggapoy agawaan ko.” Anggaman ontan napanmatalkan koy Katawan a mangyaalagey na kanepegan ko; tumangan to ak lapud saray gagawaen ko.

Isaias 52:13

Say Katawan kuanto, “Maung so kasumpalay kimey na aripen ko; ontan lay kitanduro tan kigalang to.

Isaias 52:15

Balet natan amayamay a bansay mankelaw ed sikato, tan diad pankelaw da ray arari ag ira makaskasel. Nanengneng tan natalusan day ag da ni akabatan nen saman.”

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 53:8

Inerel da tan sinintinsiaan da, insan da tinengneng a pateyen, et anggapoy wala ed saray totoo so nansumpalan to. Pinatey lapud saray kasalanan da ray totoo tayo.

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.”

Mateo 26:42

Pinmidwan inmarawi si Jesus tan nampikasi, “Amak, no ag nipaliis yan kupay kairapan likud ya inomen ko, say linawam so nasumpal.”

Marcos 15:27

Insan da impasak a kaiba nen Jesus so duaran tulisan ed sansakey a krus, diad nikawanan tan nikawigi to.

Lucas 22:37

Ta kuankod sikayon nepeg a nasumpal so ibabaga na Masanton Sulat nipaakar ed siak, ‘Sikatoy nibilang a sakey a kriminal.’ Ta nagagawa lay nisulat a nipaakar ed siak.”

Lucas 23:25

Imbolus to may toon papaibolus da, samay apriso lapud impanggolo tan impamatey to. Insan impalima toy Jesus ed sikara, pian nagawaan dad sikato so labay da.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

FILIPOS 2:17

Panliketan ko tan pinabangen ta kin amin ed sayan liket ko, anggaman bilang ya onterter so dalak tan onarum ed bagat ya isasaklang na pananisia yo ed Dios.

COLOSAS 2:15

Diad panamegley na impatey nen Cristo ed krus, dineral toy pakayari da ray maispiritun manoley tan saray walay betang. Singa ra ya adakep tan imparadad karaklan a pangipanengneng na impanalo to.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Saray Hebreo 9:24

Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

Saray Hebreo 9:26

Ta no andi, nakaukolan komun a mamimpigapigan ompatey nanlapu lad inkapalsay mundo. Balet natan aminsan labat a nampanengneng, nen mansasamput la ray panaon, pian napaandi toy kasalanan, diad panamegley na impangibagat tod sikaton dili.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

1 Juan 2:1

Anak ko, isulat ko ya pian ag kayo manggaway kasalanan. Balet no walay mankasalanan, walay matonung a Jesu-Cristo a mangipipikasid sikatayo ed Ama.

1 Juan 2:12

Susulaten ta kayo, anak, ta apirdona la ray kasalanan yo lapud ngaran-nen Cristo.