Isaias 52:7 - Maung A Balita Biblia

⁷ Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

Maung a Balita Biblia

⁷ Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, Ari so Dios mo!

Isaias 52:7 Iomraidhean Croise

Saray Salmo 59:13

diad pasnuk mo, deral mo pa ra; deral mo ra ya anggad ag da kaoput. Naamtaan ed satan na amin a katoowan a say Dios so manooley ed Israel, tan say panooley to et sasakopen toy intiron mundo!

Saray Salmo 68:11

Angipaakseb na ganggan so Katawan, kanyan amayamay so bibiin angibawag na balita:

Saray Salmo 93:1

Ari so Katawan. Akawesan na kagalangan tan abalkesan na biskeg. Niletneg a malmalet so mundo kanyan ag balut nagiing.

Saray Salmo 96:10

Ibaga yod amin a bansa, “Manaari so Katawan! Malet so inkiletneg na mundo tan ag balut natenyeg; matonung so panintinsia tod amin a katoowan.”

Saray Salmo 97:1

Ari so Katawan! Manggayaga ka, O dalin! Manliket kayo, amin yon isla na saray dayat!

Saray Salmo 98:2

Imbawag na Katawan so impanalo to; impaamta tod saray bansa so manangilaban a pakayari to.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

Saray Salmo 99:1

Ari so Katawan, et manggiwgiw iray katoowan. Manyodyorung ed trono tod tagey da ray kirubin, et nayeyegyeg so dalin.

Kanta nen Solomon 2:8

Narerengel koy bosis na inarok. Mambabtik ya ombebeltang ed kapalandeyan tan kapokdulan diad iyaasingger tod kawalaan ko.

Isaias 24:23

Ombilonget so bulan tan ag la onsindag so agew, ta say Katawan a Makapanyarin-amin so manari. Manoley ed Jerusalem diad Palandey na Sion, tan nanengneng na saray pangulo da ray totoo so kagalangan to.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Isaias 41:27

Siak, say Katawan, so inmonan angibalitad Sion; Angibaki ak na angibalitad Jerusalem a kuanto, ‘Onsasabi ray totoom! Onsesempet la ra!’

Isaias 42:11

Say kalawakan tan saray baley to et igalang da komun so Dios; igalang komun na saray totood Kedar! Saray totoon manaayam ed siudad na Sela et oneyag ira komun diad toktok na kapalandeyan lapud liket da!

Mikias 4:7

Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.”

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!

Nahum 2:1

Ninive, nadodogpaan da ka la! Sinmabi lay pakayarin manemek ed sika. Paguardiaan mo ray tirinsira tan saray daladalan! Mamparaan kan mibakal! (

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Marcos 13:10

Nakaukolan a nipulong ya onona so Maung a Balita ed saray katoowan ed amin a bansa.

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Lucas 2:10

balet inkuanto may anghil, “Ag kayo natatakot! Ta awit kod sikayoy maung a balitan mangiter na baleg a liket ed amin a katoowan.

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

TAGA-EFESO 6:15

tan isolung yoy sapatos ed sali yo a pamparaan ed pangipulong yoy Maung a Balitan mangiter na kareenan.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 14:6

Insan anengneng koy sakey nin anghil ya ontitikyab ed liwang a sankaawit toy andi-anggaan a Maung a Balita ya ipulong tod saray katoowan ed dalin, diad balang bansa, tribu, salita, tan too.